It(em) es tusschen den voirs(creven) h(ere)n pet(ere)n t(er) eenre en(de) janne oliviers t(er) ande(re) zijde(n)/ gevurw(er)t en(de) ondersproken dat allet ghene dat inde(n) voirs(creven) huyse nagelvast es/ alsoe wale van ty(n)nen berdd(er)s als ande(re) dat dat den huyse blive(n) en(de) toebehoe(re)n sal
//
ende desgelijx allet ghene dat inden hoff steet dat dat ald(aer) sal/ bliven staen(e) ende den voirs(creven) janne oliviers toebehoe(re)n sal voirt de selve/ h(er) pet(er) den voirs(creven) janne oliviers de voirs(creven) goede nu naestc(omende) ruyme(n) ledighe(n)/ en(de) leve(re)n sal voirt de selve h(er) pet(er) te kersmisse naestcomen(de) tot sine(n) laste/ betalen de voirs(creven) xii stuv(er)s ende iiii rinssche gul(den) uuten voirs(creven) goeden/ gaen(de) die ten selve(n) kersmisse vallen sullen zond(er) last des voirs(creven) jans/ cor(am) eisd(em)