Item villicus lovanien(sis) median(tibus) scabinis lovanien(sibus) adduxit d(omin)um robertum/ loenijs p(res)b(ite)r(u)m curatu(m) eccl(es)ie de cortenaken ad om(n)ia et sin(gu)[la] bona i(m)mo(bilia) et/ he(re)ditaria godefridi vanden zaffle et elisab(eth) eius uxoris infra lov(anium)/ et extra sit(a) in mansionib(us) domib(us) curt(ibus) t(er)ris ar(abilibus) prat(is) pascuis/ censu t(re)censa redditib(us) et suis p(er)tinen(tiis) univ(er)s(is) pro cert(is) recog(ni)cio(n)ib(us) / et p(ro)miss(ionibus) consc(ri)ptis in l(itte)ris scabinor(um) lovan(iensium) quar(um) tenor sequit(ur) in hec v(er)ba/ Cond zij allen lieden dat gord vanden zaffle sone wijlen gh(eer)ts/ ende lijsbeth zijn wijf in p(rese)ncia hebbe(n) genome(n) ende bekint dat zij/ genomen hebben van he(re)n robberde loenijs sone wilen jans cureyt/ der kercken van cortenake(n) de goede h(ier) na bescr(even) desselfs h(er) rob(er)ts/ te kerckem gelegen te wete(n) yerst vier stucken lants gelegen inden/ wynt(er)aert opt schouboschvelt gelijc gheert de snydere die aldair te/ houden plach dair af de wynne de ii stucken te wete(n) thalf boend(er)/ en(de) de lx roeden nu bevonde(n) heeft met luyterder tarwen bezayt zij(n)de/ ende dande(re) twee stucken tderdel met tarwen ende de tweedeele/ met roggen It(em) twee stucke(n) lants gelege(n) op tkleyn veldeken/ bij den male inden aert voirs(creven) dair af hij deen stuck houden(de) een/ half boender nu bezayt vant half met tarwen en(de) half met rogge/ ende dander stucke tderdel met tarwen ende tweedeele met/ rogge It(em) (½) boender lants oic inde(n) selve(n) aert op dmaelvelt gelege(n)/ dwelc hij bevant met luyterder tarwe(n) besayt It(em) omtrint twee boend(er)/ lants die gh(eer)t de snydere te houden plach gelegen inde(n) som(er)aert/ opt meysnackvelt? dwel hij bevant storte liggende It(em) twee stucke/ lants houdende tsame(n) omtrint vi(½) dach(mael) gelegen inden selve(n) aert/ doen oic storte liggende It(em) ix dach(mael) lants doen brake liggen(de) gelege(n)/ opt calvereeusselvelt It(em) i wynnen(de) hoff gehete(n) den maelhoff/ doen oic brake liggen(de) It(em) eene(n) beempt geheten den toemaet bempt/ gelegen achter willems shaven hoff metten droghen eeussele en(de)/ metten langen bempde dair aen liggende Item eene eeussel gehete(n)/ dwijngart block tusscen den goeden tsgoidshuys van sinte barbere(n)/ dale ende henricx de welde wijlen was nu jans couwens te/ houden te hebben ende te wynnen van halfm(er)te naestcomen(de) eenen/ termijn van xv jaren lang deen na dandere stappans volgende/ elcx jaers darenbinne(n) te wete(n) de wynnen(de) dale lande voe(r) en(de) om/ xxvii(½) sacke haerts corens goets en(de) payabels met wa(n)ne en(de) met/ vloegele(n) wel bereyt te wete(n) sesse sacke dair af thiensche mate ende/ thiensche pacht en(de) dand(er) xxi(½) sacke kerckemsche pacht en(de) mate va(n)/ loeven(e) tsinte andries(misse) ap(oste)ls te betalen en(de) te loeven(e) te thiene(n) oft tarschot/ d(er) h(ere)n robberde dat best gelieft te levere(n) en(de) de bempde en(de) eeussele(n)/ voir x lichte guld(en) te x st(uvers) tstuc tsinte m(er)tens(miss)[e] te betale(n) alle jare/ den voirs(creven) t(er)mijn dueren(de) quol(ibe)t ass(ecutu)[m] met vorwerde(n) dat voirs(creven) wynne/ sonder afslach van zijne(n) pachte en(de) weyghelde voirs(creven) alnoch jaerlijcx/ betalen sal dens grontchijs uuten voirs(creven) goeden gaende also in tijts dat
//
de voirs(creven) h(er) robbert dair bij niet beschedicht en werde(n) It(em) is vor/ werde dat de voirs(creven) wynne de bempde en(de) eeussele voirscr(even)/ ten lesten jare van zijne(n) t(er)mijne wel en(de) loflijc geryoelt laten/ sal en(de) de breemen doirnen ende brym dair inne wassende uut/ geroodt en(de) dat hij de selve bempde en(de) eeussele jairlijcx/ hierebinnen opgrechten ende v(er)maken sal en(de) die late(n) tsijne(n)/ afscheiden gelijc hijse vant tsijne(n) aencome(n) It(em) is vorwerde/ dat de voirs(creven) wynne aende voirs(creven) droeghe bempde sal moege(n)/ doen setten en(de) plante(n) alboeme poepeleren en(de) willeghe(n) poten/ soe vele alst hem gelieft dair af hij soe v(er)re dat opgaende/ hout is den afval alleene hebben sal It(em) es vorwerde dat de/ voirs(creven) wynne de voirs(creven) lande tallen wynt(er)coirne wel en(de) loflijc/ overmesten sal gelijc hij den wynt(er)aert gemest bevant en(de)/ dat hij die binnen de(n) voirs(creven) termijne wel en(de) loflijc ov(er)mer/ ghelen sal en(de) de selve lande jaerlijcx wynne(n) en(de) werve(n) wel/ ende loflijc te weten den wynt(er)aert op iiii getide voren ende/ devene op ii voren ende ten lesten jare vande(n) voirs(creven) t(er)mijne/ sal hij late(n) den wynt(er)aert gemest gewonne(n) en(de) bezaeyt op iiii/ voren en(de) tot elker voren tweewerf geegt en(de) den zom(er)aert/ en(de) de brake eens o(m)megedaen It(em) es vorwerde dat de voirscr(even)/ wynne de voirs(creven) lande sal moegen hoervruchte(n) dierste xii/ jaren lang ende niet lange(r) oic is vorwerde dat de voirs(creven)/ her robbert ten lesten jare vanden voirs(creven) t(er)mijne de wynt(er)aert/ selve sal moegen doen bezayen en(de) d(aer) toe sal hem alsdan die/ wynne alsulken cusbare(n) zaet leveren als dair mede hij dien/ tsijnen aenveerdene bezayt vant en(de) dair toe sal de wynne/ den zayere betalen ende v(er)nuegen oic sal de selve wynne/ tsijne(n) lesten jare den voirs(creven) wynt(er)aert moeten begrecht en(de)/ vermaect laten wel en(de) loflijc gelijc hij dien begrecht en(de) v(er)maict/ bevant It(em) sal de voirs(creven) wynne hebben delzenhout staende/ inde(n) langen bempt dwelc hij altijd alst vii jare out is ende/ niet eer sal moeghen houwen wel ende deuchdelijc gelijc men/ scaerhout sculdich is te houwen en(de) desgelijcx sal hij hebben allet/ scaerhout wassende inden maelhof aldair voert is vorwerde/ dat de voirs(creven) her robbert en(de) de wynne alle tsroyt ende dooft/ op de voirs(creven) goede jaerlijcx wassende hebbe(n) selen half en(de) halff/ ende dat te gelike doen lesen uutgenome(n) dat de wynne den/ lesers die m(ijn) he(r) stellen sal den montcost sal gheve(n) en(de) dat/ de wynne he(re)n robberts helicht alse de(n) selve(n) he(re)n robberte/ gelieven sal levere(n) sal te loeven(e) te thiene(n) oft tarschot dairt/ he(re)n robberte gelieven sal bij also dat hij de(n) selven wynne soe
//
wanneer hij dat ende oic den voirs(creven) pacht lev(er)t den montcost geve(n)/ sal It(em) sal de voirs(creven) wynne houden ende maken op zijnen cost/ jaerlijcx den voirs(creven) t(er)mijn dueren(de) alle de weghe(n) en(de) strate(n) die/ de voirs(creven) goede sculdich zijn te houden en(de) te maken en(de) dat de/ voirs(creven) wynne jaerlijcx den voirs(creven) her robberte als hijs begheert/ doen sal een oft twe corweyden met zijnen wagen(en) en(de) p(er)den tot/ loeven(e) oft alsoe v(er)re dair her robbert gelieft ende dat de selve/ wynne opte voirs(creven) goede sal moegen truncken doude truncbome/ als die tijtveerdich zijn ter mynster schaden voir zijn berringhe/ en(de) om mede te v(er)maken op alsoe dat hij te selve truncbome te/ sijne(n) afscheyden also oudt laten sal van trunchoute alse hij die/ aenveerde tsijne(n) aencomen(e) It(em) sal de voirs(creven) wynne jaerlijcx/ betalen in afslage vanden voirs(creven) pachte alle pachte(n) en(de) rinten/ die uuten voirs(creven) goeden gaen jaerlijcx also in tijts dat de selve/ her robbert niet beschedicht en worde It(em) sal de voirs(creven) wynne/ noch hebben den voirs(creven) t(er)mijn duerende eenen bempt also hij gelege(n)/ is te kerckem aen tschouboschvelt tusscen tselve velt en(de) de beke/ aldair voir en(de) om acht lichte gulden(en) te x stuv(er)s stuc tsinte m(er)tens(miss)e/ te betalen jaerlijcx jaerlijcx den voirscr(even) t(er)mijn dueren(de) quol(ibet) ass(ecutum)/ en(de) noch om eenen platte(n) keese en(de) vijftich eyere ter kermissen/ te loeven(e) te betalen It(em) sal de voirs(creven) wynne de(n) voirs(creven) t(er)mij(n) dueren(de)/ oic hebben de maelwouwers met hueren toebehoirte(n) voe(r) en(de) om/ thien lichte guld(en) te x st(uvers) stuc te paessce(n) te betalen alle jare de(n)/ voirs(creven) t(er)mijn dueren(de) quol(ibet) ass(ecutu)[m] met vorwerden dat de voirs(creven) wyn/ binnen den yersten sesse jaren vande(n) voirs(creven) t(er)mijne alle de eerde/ die inde voirs(creven) wouwers verzant sal zijn op de lande ald(aer) vu(r)en sal/ behoudelijc dat hij die lande dair die eerde op gevuert es/ niet en sal dorven mesten binnen dien tijde ende alle dese vorw(er)de(n) (et)c(etera)/ It(em) de voirs(creven) gord ende lijsb(eth) zijn wijf hebben gelooft de(n) voirs(creven)/ he(re)n robberte dat zij binnen drie weken naestcomen(de) bringe(n) sulle(n)/ gort henric ka(thlijn)[ne(n)] en(de) marien hue(re) kijnde(re) voir de wet van kercke(m)/ en(de) hen aldair dinhout vander voirs(creven) pechtingen en(de) vorwerden/ dair inne begrepen doen gelove(n) te voldoene blancart hoene(n) ja(nuarii) iiii[ta]/ anno xiiii[c] lxxiii Et habuit que(re)las hiis interfuer(un)t berge(n) willem(air)/ julii xx