It(em) jan blocx zone wijlen pet(er)s wonen(de) te boensbeke in p(rese)nc(ia) heeft/ ghehuert jeghen hee(re) ende meest(er) pete(re)n bote scholaster te loeven(e) ende/ canonck tsinte pet(er)s te loven(e) vier stucken beempts ghelegen inde/ p(ro)chie van boesbeke dair af deen ghelege(n) es inde zittert tusschen de/ h(er)strate ende de molenstrate dander es ghelegen int hagherot tussche(n)/ de nuwe en(de) doude velpe dand(er) twee stucken sijn ghelege(n) int/ ghemeynbroeck te daelhem en(de) toebehoren(de) sijn der capelryen t(er) horst/ opt huys te houden en(de) te hebben van sinte m(er)tensmisse naest comen(de)/ eene(n) t(er)mijn van xii jairen langk due(re)nde vervolgen(de) elcx jairs/ dae(re)n bynne(n) o(m)me ende voe(r) xvi rinssche gul(den) te weten(e) de xii d(aer) af/ te xx stuv(er)s drie pl(a)c(ken) voe(r) den stuv(er) ende dand(er) iiii rinsch(e) gul(den) salme(n)/ betalen den voirg(enoemde) t(er)mijn due(re)nde met drie pl(a)c(ken) den gul(den) alle jaire/ tsinte m(er)tensmisse vallen(de) en(de) ombeg(re)pen bynne(n) meys betaelt te zijne/ quol(ibe)t ass(ecutu)[m] It(em) sal de voirs(creven) jan de velpen en(de) ande(re) grachten omtrent
//
/ den voirs(creven) goeden liggen(de) veghen ruyme(n) houde(n) en(de) ryoelen/ wel ende loflijck op sijne(n) cost den voirs(creven) t(er)mij(n) due(re)nde jairlix alsoe/ in tijts dat den voirs(creven) meest(er) pete(re)n dair bij egheen schade en gheschiede/ It(em) sal de selve jan alle tijtverdich hout staen(de) opde voirs(creven) beempde jaerl(ix)/ moeghe(n) truncken ende slene(n) om de selve beempde mede te bevreden(e) en(de)/ oft dair e(n)nighe willighe(n) oft ande(re) boome v(er)droeghde(n) die sal de selve/ jan moghe(n) afhouwe(n) ende te hemw(er)t neme(n) bij alsoe dat hij voir/ elken v(er)droeghden boom setten sal ii levende pooten vanden selven aerde/ en(de) alle dese vurw(er)de(n) [pu(n)t(en)] (et)c(etera) cor(am) roelants tybe julii ultima

No(ta) vande(n) iiii rins/ gul(den) datme(n) die betale(n)/ mach elken met iii pl(a)c(ken)