Na dien dat de bedesettere(n) van grant haller ov(er)mits tsh(er)togen bede die/ zij eyschten jouffr(ouwen) johanne(n) van sponty weduwe gerarts wijlen van/ crehain van hueren goeden ende renten te g(ra)nd haller voirs(creven) gelegen/ te wete(n) va(n) elke(n) mudde sesse stuv(er)s tsjaers ende dair om gecome(n) ware(n)/ inder schuere(n) der voirs(creven) jouffr(ouwen) ende aldair doen derssche(n) en(de) tcore(n)/ vercocht dat der voirs(creven) jouffr(ouwen) als een ingesete(n) poirtersse der stad/ van loeven(e) dochte ongelijc zijnde p(rese)nteren(de) hen te betalen voir elc/ mudde eene(n) halven braspe(n)ning gelijc als poirte(re)n en(de) poirt(er)ssen so zij/ meynde sculdich zijn ende niet meer Settende dair om also vele/ ghelts onder de wet aldair dair mede zij hoopte te gestane en(de)/ dede dat condigen den voirs(creven) bedesette(re)n Ende alse de voirs(creven) jouffr(ouwe)/ jehanne sach dat de voirs(creven) bedesetters niet te vrede(n) zijn en woude(n)/ heeft zij de selve bedesetters op hede(n) doen best(er)ven te come(n) voir/ den rade van des(er) stat de voirs(creven) p(ar)tie(n) comende en(de) jege(n) malcande(re)n/ compareren(de) elc zijn saken opdoende Soe is bij den rade vander/ stad met vollen gevolge yerst gevisiteert hebben(de) tstatuyt opte/ contribucie vander beden gedaen ende gemaict der voirs(creven) p(ar)tien/ geseecht en(de) get(er)mineert voir reden(en) ende recht dat de voirscr(even) jouff(rouwe)/ jehanne gestaen soude met te betalen voir elc mudde corens eene(n)/ halve(n) braspenning sonder meer act(um) in pleno (con)s(ilio) sept(embris) xi