It(em) jan kneepkens magriete bruynincx sijn wijf jan vanden berghe/ en(de) lijsbeth bruynincx sijn wijff zuster der voirs(creven) m(ar)grieten kinde(re)/ frissens wijlen bruynincx in p(rese)nc(ia) hebben gekint en(de) ghelijt dat ghij sij/ ghehave(n) opgebuert en(de) ontfanghen hebben van m(ar)griete(n) smeets wed(uwe)/ des voirs(creven) wijlen frissens b moeder der voirs(creven) ghesuste(re)n de vliegent/ erve en(de) have h(ier) nae besc(re)ve(n) Inden yersten ii mateelen potten/ ii ketels ii kandeleers ende een eere(n) panne It(em) voort xviii stuv(er)s/ die sij ontfanghen hebben vand(er) selv(er) weduwe(n) van eene(n) eeren(en) potte/ die de selve weduwe teghen hen voir den prijs voirs(creven) wettelijken/ ghecocht heeft Ende desgelijx viere pet(er)s te xviii stuv(er)s stuck/ en(de) drie pl(a)c(ken) voir elken stuv(er) gherekent die de selve p(er)soene(n) ontfange(n)/ hebben van twee bedden die de voirs(creven) weduwe bij consente vanden/ voirs(creven) kinde(re)n v(er)cocht heeft [de] welke den voirs(creven) gesuste(re)n verschenen/ sijn uut doode des voirs(creven) wijlen frissens en(de) hen v(er)sterve(n) en(de) v(er)schijne(n)/ soude(n) nae de doot der voirs(creven) m(ar)g(rie)ten wed(uwe) desselfs wijlen frissens/ der selv(er) weduwe(n) dair af volcomelijken quijtschilden(de) p(ro)mitten(tes)/ nullat(enu)s alloqui Gheloven(de) voirts der selv(er) wed(uwe) oft soe gebuerde/ dat jan bruynincx die langhe buyten lants gheweest brueder der/ voirs(creven) ghesuste(re)n en(de) zone des voirs(creven) wijlen frissens de en(de) der voirs(creven)/ wed(uwe) die eene(n) lange(n) tijt uuten langhe lande [heeft] gheweest [en(de) noch] es wed(er)/ o(m)me te lande quame oft sijn wettighe gebuerte sijns gebrekende/ dat sij he(m) vanden voirs(creven) vliegenterve en(de) pe(n)ninghe(n) beruerlijke/ deylinghe doen sullen zond(er) fraude en(de) argelist cor(am) buetssele/ hoelair julii iii