Het es comen voir den raide vand(er) stad op heden jan de broucq/ woenen(de) te folz ter eenre ende jan maelherbe ende lambert/ dufay als p(ro)cureurs tsmeyers van saint dyonijs van ludick ende/ zijnder medegaderingen ter andere daer de selve jan de/ broucq van den selven p(ro)cur(eur)s inden name vanden meye(r) eysschen(de) [was]/ alle de scriftueren van costen en(de) in tgheheele van den gedinge/ dat hem tegen gegaen was over te hebbe(n)ne en(de) dair die/ vonnissen op geslagen wae(re)n meyne(n)de dat hem dat sculdich wae(r)/ te geschiede(n)ne eer hij zijn diminucie op de costen nae/ inhoudts d(i)c(t)o p(ro)mis onlancx gesciedt zijnde voir scepen(en) van loven(e)/ gehouden soude sijn te doene en(de) dat zij tot zijnen behoef/ onder de wedt alhier die int geheele overbringen souden/ en(de) als dan presenteerde hij dair op te diminuere(n)ne en(de)/ te antwoirdde(n)ne Wair op de p(ro)cureurs verantwoirden/ seggen(de) dat zij vanden scriftueren vanden costen niet en/ wisten mair seyden dat de selve jan de broucq op heden/ sculdich wae(r) sijn diminucie te doene hem gedragen(de) des/ totten (com)p(ro)misse Ende alsoe w(er)t bijden raide vander/ stad geordineert dat men visiteren soude dat co(m)promis/ ende dae(re)ntynden recht Coram moelen burg(i)m(a)g(ist)[ro] ac/ aliis de (con)silio junii xxvii[a]