Want gu(m)mar van ghinderboven na(tur)lijc geheeten van couweghem na(tur)lijc zone/ henricx wijlen van ghinderbove(n) geheeten van couweghem die nae de hoeghe/ heerlich(eit) ons liefs gened(ichs) he(re)n ts(er)toghen en(de) den rechte zijnre stad van loeven(e)/ voe(r) zijn wettich gebreck uut machte van scepen(en) brieve(n) van loeven(e) come(n) en(de)/ geleydt is tot allen den goede beide have en(de) erve henricx t(er)wenhoet/ pauwels page en(de) jans de drossete zoe wair die belegen zijn opden dach va(n)/ heden hadde doen besc(ri)ven de selve p(er)soene(n) die hem ongebruykich maecten/ alle de selve goede sond(er) zijne(n) wille oft consent en(de) sond(er) hem te v(er)nuegen/ van wettige(n) gebreken voirs(creven) tot welcken daghe nyemant gecomen noch/ gecomp(ar)eert en is soe hebben de he(re)n scepen(en) van loeven(e) t(er) manisse(n)/ smeyers yerst gevisenteert tresc(ri)pt des meyers van humelghem die/ c(er)tificeerde onder zijne(n) zeghel dat hij dexploit gedaen hadde ende/ p(ar)tien dach bescheyden datmen den voirs(creven) gu(m)mair vand(en) voirs(creven) goeden sal/ houden inde macht van zijne(n) beleyde soe v(er)re alst noch voe(r) he(m) come(n)/ is cor(am) o(mn)ib[(us)] scab(inis) novembr(is) xiii