Allen den ghenen (et)c(etera) dat meest(er) lottijn me(n)nekens meest(er) in/ arten canonck inder kercken van sinte peet(er)s te loven(e) ende heeft ald(air)/ in alle der best(er) forme(n) ende manie(re)n soe dat nae recht mach dienen en(de)/ stad g(re)pen gheconstitueert gheco(m)metteert gheordineert ghesedt ende/ met volcomender auctoriteyt ghemechticht thomase p(er)trise woute(re)n/ vander haghe(n) maelgen cleenwert en(de) janne de poirte(re) zamentlic/ en(de) elken besund(er)t o(m)me alle de goede en(de) p(ro)fijten der selv(er) chijsen renten/ erfpachten thienden vervallen en(de) schulden den voirs(creven) meest(er) lottijn/ toebehoren(de) te belle en(de) belle(n)bocht en(de) elswair al vlaende(re)n dore/ en(de) elde(r) te wat plaetssen die ghelegen oft te bevynden sijn oft aen/ wat p(er)soene(n) oft goede(n) dat dat sijn mach oft ghebue(re)n sal dieme(n)/ hem schuldich es oft naemaels wesen sal Te eysschen te mane(n)/ op te bue(re)n inne te heffen en(de) tontfanghen den schulde(re)n d(air) af quijt/ te schilden(e) en(de) quitan(cie) te gheven(e) ende voir ghebreck van dien met/ rechte het zij met pe(n)dinghen oft and(er)ssins soe dat nae recht/ vand(er) plaetssen behoirt te p(ro)cederen(e) derflijke goede des voirs(creven)/ meest(er) lottijn te wat steden oft plaetssen die gheleghen sijn in
//
jairschae(re)n eene(n) t(er)mijn van [vacat] jaire(n) te verpachten(e) en(de) uut/ te gheven(e) en(de) te verhueren(e) ende alle ande(re) goede den voirs(creven) meest(er)/ lottijn nu oft naemaels uut tytle van versterffenisse oft suctessie(n)?/ aenverschene(n) het zij erve oft have inden name en(de) p(ro)fijte desselfs/ te actepteren(e) possessie van dien nae recht te neme(n) ende vanden/ selve(n) goede(n) en(de) allen ande(re)n ofts behoeft guedinghe erffenisse ende/ possessie voir alle wetten en(de) gherichten aen te neme(n) en(de) te aenverden(e)/ inden name en(de) tot behoef als voe(r) ende voort alle die voirs(creven) goede/ als dair questie af ghebuert met rechte te bedingen(e) in aenspraken/ en(de) verantw(eer)den te comen(e) thonisse en(de) wairheyd(en) te leyden(e) en(de) alle/ p(ro)cessen acten en(de) t(er)mijne(n) van rechte te doene en(de) te houden(e) vo(n)nisse(n)/ en(de) senten(cie) sij sijn int(er)locuteur oft diffinitijf teysschen taenhoren en(de) te v(er)wachte(n)/ het zij dat die ghevene(n) wordde(n) voir den voirs(creven) meest(er) lottijn oft d(air) teghen/ die goede te wynne(n) en(de) te v(er)liesen composicie en(de) mynlijke yffeni(n)ghe d(air)/ af te maken(e) en(de) vanden selve(n) vo(n)nisse ten behoirlijken plaetssen en(de)/ tot den behoirlijken rechte(re)n oft gherichte te appelle(re)n die appellacien/ soe en(de) soe dair dat behoirt te v(er)volghen(e) en(de) voirt allet ghene dair/ inne te doene en(de) te vorde(re)n beyde inden rechte en(de) dair buyten dat de/ voirs(creven) meest(er) lottijn inden selve(n) saken soude moghen oft co(n)nen gedoen/ oft hij dair teghew(or)dich wa(r)e ende voort o(m)me de vors(creven) saken uuten/ rechte te trecken(e) submissie en(de) comp(ro)mis vander questien dair af/ ghebue(re)nde te maken(e) en(de) aen te geve en(de) senten(cie) en(de) uutsprake arbitrael/ dair af te eysschen(e) en(de) te v(er)volghen(e) gelijck oft de voirs(creven) meest(er) lottijn/ dair selve teghew(or)dich wa(r)e ende heeft gelooft de selve meest(er) lottij(n)/ vast gestentich van weerden en(de) ov(er)breckelijck te houden(e) en(de) te hebben tot/ ewighen daghen allet ghene des bijde vors(creven) sijne ghemechtichde oft/ enigen van hen hebber des briefs bedinght aengesproken verantw(eer)t/ ghetoent gheappelleert en(de) met co(m)p(ro)misse v(er)bonden gewonne(n) oft v(er)loren/ sal wordden en(de) desgelijx oic des bijde selve v(er)mechtichde(n) oft e(n)nighen van/ hen in v(er)pechtinge(n) oft hueringe(n) d(er) selv(er) goeden gedaen en(de) van dien/ ghehave(n) en(de) gebuert sal hebben alle argelist en(de) nyeuwe vonde/ uutgescheyd(en) behoud(en) dat de voirs(creven) p(ro)cur(eur)s en(de) elc besund(er)t ghehoude(n)/ sullen sijn van hue(re)n voirsc(reven) bewynde en(de) ontfanghe altijt t(er) manissen/ des voirs(creven) meest(er) lottijn goede wettighe rekeni(n)ge en(de) bewijs te doene/ cor(am) tybe burg(imagistr)[o] hoelair thenis scab(inis) januarii ix