Het sijn comen voer den raide vander stad elizabeth weduwe/ wijlen bert[r]ams de cheve ter eenre ende peteren de broucq/ ter andere dair de selve elizabeth eysschende was den selven/ peteren de hueringhe van eender schueren hair toebehoerende/ dair [inne] bij woute(re)n de cheve oft ande(r) van zijnen wegen coren/ en(de) ande(r) grain inne geleeght was en(de) want de selve van/ huer(er) hueringen ombetaelt was hadde zij voer de selve hue(re)/ de have te weten(e) tgrain binne(n) haeren plaeten wesen(de) doen/ rastre(re)n en(de) besetten Daer op de woirs(creven) peter de broucq ant/ woerdde seggen(de) dat hij gheen hueringhe tegen de selve weduwe/ gedaen en hadde en(de) dat hem tande(re)n tijden hier bijder stad/ aengewesen en(de) aengetermijneert was dat de have ende/ vruchten ongedursschen zijnde inde selve schuere wesen(de) hem/ volghen souden en(de) sculdich wae(re)n te volgen(e) op goede caucie/ ende borchtochte gedraghende hem totter selver terminacien/ vander daten maii xxiii lestleden Welcke caucie den rechte/ genoech zijnde de selve peter gesedt hadde dat oick de/ selve elizabeth en(de) jan maelherbe met lambert defay als/ procureurs der hue(re)n van sint dyonijs te foulz niet en ontlauden/ die caucie en wae(r) alsoe gesedt en(de) gedaen Waer o(m)me/ de stad get(er)mineert heeft voer recht recht dat de selve/ peter gehouden sal [zij(n)] de voirs(creven) weduwe vander hueringen/ der schueren te (con)tentere(n)ne ende te vreden te stelle(n)ne/ en(de) dat den selve(n) pete(re)n volghen zullen die vruchten dair/ inne wesende behalven ende behouden hem sijn actie ende/ recht op woute(re)n de cheve ende allen ande(re)n Coram abs(oloens)/ tybe burg(i)m(a)g(ist)ris rolofs hoelair scabinis ac aliis de (con)silio jullii/ vi[ta]