It(em) al eest soe dat de voirs(creven) goort inde voirs(creven) goede voir eyghen genoete(n)/ ghegoet en(de) geerft es ghelijck voirs(creven) steet soe es nochtan tusschen den/ voirs(creven) goorde t(er) eenre ende den voirs(creven) janne van bierbeke en(de) sijne(n) wive/ t(er) ande(re) zijden clairlijck bevurw(er)t en(de) ondersproken oft de selve goede oft e(n)nig(er)/ der selv(er) hier naemaels bevonden wordden chijsgoede te zijne dat in/ dien ghevallen de selve jan van bierbeke en(de) sijn wijff [gestaen sulle(n) de(n) vors(creven) goorde] ghehouden sijn/

sullen de(n) voirs(creven) goo[r]de t(er) behoirlijker plaetssen te come(n) ende behoirlijke/ guedinghe dair aff te doene met gheluften van ghenoech doene ende/ warandeerscape hem te gheloven(e) zonder den voirs(creven) ghehuysschen uut/ saken vander voirs(creven) gheluften van waerscape en(de) ghenoech doine ind(er)/ voirg(eruerde) guedinghen beg(re)pen voirder te prame(n) oft te belasten Behoud(elijck) d(at)/ den voirs(creven) goordt alle(n) chijse en(de) co(m)me(r) dieme(n) [alsdan] soude moghe(n) bevynden uut/ den selve(n) goeden gaen(de) alsda(n) tot ewighe(n) daghen tot sine(n) laste ghelde(n) ende/ betalen sal voir welke chijse ende co(m)me(r) de voirs(creven) ghehuysschen den vors(creven)/ goorde ghelden ende betalen sullen Te weten voir elken pe(n)ninck alsoe/ verre alse ghelt renten wae(re)n xviii ghelijke pe(n)ninghe(n) ende alsoe verre/ alst erfpacht wae(r) voir elc mudde xviii croene(n) te xxv stuv(er)s tstuck/ eens te betalen(e) tamq(uam) ass(ecutu)[m] en(de) dair mede ghestaen ghelijck de vurw(er)de/ tusschen den selve(n) p(ar)tijen d(aer) af ghemaect beg(ri)pt met vurw(er)den oft de selve/ erfpachten meer oft myn ghedroeghe(n) dan tot eene(n) mudde toe dat de selve/ ghehuysschen nae de ghelande van dien den voirs(creven) goorde meer en(de) myn betale(n)/ sulle(n) welke guedinghe(n) de voirs(creven) goort tot sijne(n) laste ae(n)verden sal uutge/ nome(n) vanden pontpe(n)ninghen welke pontpe(n)ninghe(n) de voirs(creven) ghehuysschen/ tot hue(re)n laste betalen sullen ende alle saken t(er) goeder meyni(n)ghen en(de) zond(er)/ argelist Welke vurw(er)den en(de) geluften de p(ar)tijen in beyden zijden malca(n)d(er)/ ghelooft hebben tonderhoude(n) ende te voldoen [q(u)[o](libet) ass(ecutu)[m]] cor(am) eisd(em)