Cont sij allen lieden dat raphael van drua wettich zone jans/ van drua nu t(er) tijt wonechtich tantw(er)pen met laureyse van freris/ poirte(r) ald(aer) heeft ghekint en(de) gelijt gehave(n) en(de) ontfange(n) te hebben/ uut den handen meest(er) jans van beringhen wisseleers te loven(e) van/ goiden gheleenden ghelde vive(n)twintich gulden(en) rinsche in goude/ uut saken van dien vijftich rinsche gul(den) in gouden die de selve/ raphael heeft tot zijne(n) live en(de) die hem cochte en(de) ghecreegh/ matheeus wijlen drua sijn oem die aflivich wordde(n) es ind(er)/ stad van loven(e) aen en(de) op de eerw(er)dighe he(re)n deken(en) en(de) capittel van
//
ludick de stad en(de) dlant van luydick mette(n) secu(n)daire kercken/ desselfs lants ghelijck dat blijct metten brieve(n) dair af gemaect/ bekennen(de) hem de selve raphael te wesen bijden voirs(creven) meest(er)/ janne volcomelijck vernueght en(de) wel betaelt Ghelovende/ de voirscr(even) raephael laureys va(n) freris voirs(creven) en(de) philips vand(en)/ breyne weerdt ind(er) h(er)berghen gheheeten den hert ind(er) stad/ va(n) loven(e) den voirs(creven) meest(er) ja(n)ne h(ier) af yegen eene(n)yegeliken inne/ te stane en(de) gerecht warant te zijne ende te blive(n) die de/ brieve vanden voirs(creven) renten oft copie auctentijck dair uut/ moghen hebben en(de) hebben ande(re)n ende dat zij hem de voirscr(even)/ xxv gouden(en) rinssche gul(den) t(er) wettig(er) rekeninge(n) bringe(n) sullen/ en(de) afslaen vanden t(er)mijne vanden yersten daghe van novembri/ lestleden uut saken der voirs(creven) lijftochten alnoch ombetaelt uut/ staen(de) En(de) hier af hebben ghelooft de voirs(creven) raphael en(de) laur(eyse)/ den voirs(creven) ph(ilip)s hue(re)n borghe costeloes en(de) schadeloes tontheffen/ voirtaen heeft ghelooft de voirs(creven) raphael den voirs(creven) laureyse/ h(ier) af tontheffen en(de) tontslane costeloes en(de) schadeloes cor(am) buetssele/ thenis iuniore septembr(is) iiii[ta]