Nae dien dat op heden voir meye(r) en(de) scepen(en) van loven(e)/ inde banck ghecomp(ar)eert sijn gielijs de roede zone wijlen jans/ als p(ro)cureur ende ghemechticht sijnde vanden prior vande(n)/ sa[r]troysen tantw(er)pen uut eenre mecheyt den selven prior/ ghedaen sijnde met eene(n) instrumente voir notar(is) ende/ ghetuyghen vanden p(ri)or ende godshuyse vanden chartroysen/ in savoyen als aenlegge(r) t(er) eenre ende [janne] den h(er)toghe als/ verweerde(r) t(er) ande(re) zijden dair de selve gielijs den selve(n) ja(n)ne/ op sijn goede eysschen(de) was hond(er)t croene(n) tsiaers met meer/ woirden in sijnd(er) aenspraken(en) beg(re)pen dair op jan de h(er)toghe/ dede segghen zonder in p(ri)ncipael al noch te antw(er)dden(e) dat hij/ hoopte dat alsulke p(ro)curacie als de sartroysen van savoyen/ ghedaen hadden Want die voir wet niet gheschiet en wa(r)e/ met den rechte niet ghenoech en wa(r)e noch alhier toet niet/ gheadmitteert gheweest en hadden noch schuld(ich) en wae(re)n hier/ gheadmitteert te zijne hem des ghedragen(de) tot den rechte/ Soe es t(er) manissen smeyers en(de) wijsdo(m)me der scepen(en) uutgewese(n)/ voir recht dat de p(ro)curacie vanden sartroysen van savoyen/

en(de) die substetucie uut(er) seke(re) [p(ro)curacien der satroysen van savoyen] bijder wet tantw(er)pen ghedaen niet/ ghenoech en es mair ghelieft den p(ro)cur(eur) voorts de varen/ dat hij dat doe met rechte en(de) met vorme(n) van rechte Act(um)/ in tribunali p(rese)nt(ibus) oppen(dorp) roelants buetssele thenis oct(obris) ii[a]