It(em) franco bollaerts fruytenier wonen(de) inde borchstrate in/ p(rese)nc(ia) heeft [uut]ghegeve(n) en(de) bekent [uut]ghegeve(n) en(de) verleent te hebben/ voir hem sijne(n) erve(n) en(de) naecomelinghe(n) gheerde van thiene(n)/ gheheeten hudge vetwarier en(de) sijne(n) erve(n) en(de) naecomelinghe(n)/ een cleyn stucken erfs dair op de voirs(creven) gheert tot sijne(n) coste/ eene(n) borneputte heeft doen maken gheleghe(n) acht(er) huer(er) beyder/ huysen en(de) eene(n) inde borchstrate vors(creven) opden hoff des vors(creven)/ vrancx bijden muer comen(de) van aenden ghevel vande(n) huyse(n)/ desselfs vranx gaen(de) ten hove weert tot bijden voirs(creven) putte/ welken muer den voirs(creven) vrancken en(de) sijne(n) naecomelinghe(n) tot/ ewighen daghen toebeho(r)en sal Met vurw(eer)den dat de vorg(enoemde)
//
vrancke en(de) sijn naecomelinghe(n) possessoren vande(n)/ vors(creven) sijne(n) huyse en(de) hove(n) sullen hebben van huer(er) zijde(n)/ hue(re)n toeganck nutscap en(de) ghebruyck vanden selve(n)/ putte ende dat de voirs(creven) gheert en(de) sijn naecomelinge(n)/ possesseuren vanden vor(screven) sijne(n) erve den voirs(creven) putte op/ hue(re)n cost houde(n) sullen in goeden state en(de) repa(ra)cien tot/ ewighen daghen ende dat de voirs(creven) vrancke en(de) sij(n) nae/ comelinghe(n) sijne(n) coestal staen(de) bijde(n) voirs(creven) sijne(n) muer/ ald(air) ho alsoe reynlijck houden sal dat tvuylnisse dair/ uut comen(de) den vors(creven) borreputte in gheenre manie(re)n hynde(re)n/ noch letten en sal moghen Erfl(ic) te houden(e) en(de) te besitten(e) op/ eene(n) pe(n)ninck borsgelts termi(ni)s Et sat(isfacere) p(re)d(i)c(t)us franco/ cor(am) tybe tants novembr(is) xxi[a]