Wij boxhoren lyefkenrode doen cond en(de) kinlijck allen den ghene(n)/ dien dese l(ette)ren ghetoent zullen wordde(n) dat jonche(re) lyebrecht hee(re)/ te meldert te buedinghen (et)c(etera) en(de) heeft gheconstueert gestelt ende/ gheordineert steven(e) van halle te wesen(e) sijne(n) meye(r) van sijne(n)/ heerlicheyd(en) te thiene(n) en(de) dair omtrent gheleghen Gheven(de) ende/ verleenen(de) de voirg(enoemde) jonche(re) liebrecht den voirs(creven) steven(e) volcomen macht/ p(ro)curacie [en(de)] auctoriteyt de selve meyerie wel en(de) volcomelijck te bedienen(e)/ en(de) te verwaren(e) sijn wethoude(re)n ald(air) te manen(e) en(de) te eeden(e) en(de) alle/ vorderinghe van rechte te doene en(de) texerceren(e) alsoe sijn meye(re)n ald(air)/ ghewoenlijck sij(n) te doene en(de) tot h(ier) toe ghedaen hebben En(de) desgelijx/ om alle des voirs(creven) jonch(ere)n lyebrechts chijsen rinten pachten v(er)valle(n)/ en(de) schulde(n) dieme(n) hem [ald(air)] nu schuld(ich) es oft naemaels wesen sal te/ mane(n) teysschen opte bue(re)n en(de) tontfanghe(n) Quit(tancie) (et)c(etera) [cu(m) (com)pu(tati)[o(n)e] et revoc(atione)] Promitt(ens) rat(um)/ novembr(is) xiii