It(em) also als in rechte comen zijn inde banck voe(r) meye(re) en(de) scepen(en)/ van loeven henrick vander brugghen geheten met den ghelde/ geleidt zijnde voe(r) zijn wettighe gebreke van zeke(re) scepen(en)/ brieven van loeven tot allen den goeden have en(de) erve/ henricks wilen de wijngarde(re) geheten danens t(er) eenre/ en(de) arnd croll t(er) ande(r) zijden aldair de vors(creven) geleidde/ dede exhibe(re)n en(de) lesen zijn beleid en(de) scepen(en) brieve/ hopende en(de) beghe(re)nde d(air) inne gehouden te wesen tot/ zijnen wettighen gebreke behoef die hij p(rese)nteerde te/ verifice(re)n bij zijnen eede Dair tegen de [vors(creven)] arnd crol/ met zijnen gelev(er)den voerspreke dede seggen dat hij/ zeke(re) rastamenten op des vors(creven) wilen henricx goede/ gedaen hadde voer en(de) eer de vors(creven) geleidde geleidt/ was hopende mids dien den vors(creven) beleidden te/ p(re)cede(re)n en(de) voer te gaene Dair en(de) zijn gebrek/ aen des vors(creven) wilen henricx goede te verhalen D(air)op/ de vors(creven) geleidde replice(re)nde dede seggen dat mids/ der lev(er)inghen die hij navolgende den vors(creven) [zinen] beleide/ gehadt hadde hij sculdich wa(r)e gehouden te werden/ inden selven zijnen beleide en(de) scepen(en) brieven [en(de) voer te gaen den vors(creven) arnde] ae(n)gesien/ dat de vors(creven) arnd mair [met] twee rastamenten gevolght/ en hadde op de vors(creven) goede en(de) also gheen vo(n)nisse d(air)op/ geslagen en wa(r)en ende de scepen(en) van loeven wesen/beg(eer)den dat de vors(creven) geleidde zijn wettighe gebreke/ in gescrifte ov(er)geven soude en(de) dae(re)nteynden recht/ So heeft de selve geleidde op heden zijn wettighe/ gebreke in gescrifte ov(er)gegeven en(de) [doen] exhibe(re)n in vors(creven)/ banck welck geschied zijnde de vors(creven) scepen(en)/ t(er) maniss(en) tsmeyers voerts wesen [met heuren vo(n)nisse] dat de vors(creven)/ geleidde gehouden souden werdden in zijnen beleide/ en(de) scepen(en) brieven vorscr(even) en(de) den vors(creven) arnde/ crol p(re)cede(re)n behoudelic beg(eer)de de selve arnd/ copie te hebben uut den vors(creven) ov(er)gegevenen gebreken
//
bijden vors(creven) henr(icke) vander bruggen ov(er)gegeven dat hem/ die gebeuren soude Cor(am) ro abs(oloens) boxhoren roel(ants)/ liefkenrode hoeven tybe tants novembr(is) xii