It(em) also als ten vervolghe h(ere)n peters dyllen priesters/ geleidt zijnde uut machte van zek(ere)n scepen(en) brieven van/ loeven voer zijn wettich gebreck tot allen den goeden/ have en(de) erve daneels luyten soen wilen vrancx en(de) vrancx/ luyten soen wilen matheeus gescreven es geweest den/ meye(re) van goetsenhoven of sijnen stedehoude(re) hem de/ selve goede te leve(re)n en(de) te doen volghen ende oft / de voirs(creven) daneel en(de) vranck oft yemant anders tegen/ den vorsc(reven) beleide en(de) scepen(en) brieven yet seggen of alleg(ere)n/ wilden dat zij des quamen op heden alhier voe(r) meye(re)/ en(de) scepen(en) int recht aldair zij noch nyemant va(n) heure(n)/ weghen comen en es den vors(creven) geleidden compare(re)nde/ en(de) trecht versuecken(de) So hebben de scepen(en) van lov(ene)/ yerst aengehoirt pet(ere)n comelinck bode d(er) stad van lov(ene)/ die cleerde bij zijnen eede dat dexecucie navolgende/ den v(er)suecbrieven va(n) des(er) stad geschied en(de) p(ar)tien dach/ bescheiden was t(er) manissen smeyers gewijst voer/ een vo(n)nisse so v(er)re des vors(creven) geleidden wed(er)p(ar)tie/ niet en quame ten opstaene smeyers en(de) van hen scepen(en)/ datmen hem dan vanden vors(creven) goeden houden sall in/ zijnen vors(creven) beleide tot zijnen wettighen gebreke behoef/ also v(er)re alst noch voer hen scepen(en) comen es Cor(am)/ abs(oloens) boxhoren roelants liefkenrode hoeven tybe tants/ novembr(is) xii