It(em) also als ten vervolghe h(ere)n arnds van meerbeke priest(er)s geleidt/ zijnde voer zijn wettich gebreck van iii ryders lijftochten tot/ allen den goeden have ende erve h(ere)n arnds vanden houte p(ri)est(er)s/ gescr(even) es geweest met brieven der stad van loeven den meye(re)/ van halen of zijnen stedehoude(re) ter nuwercapellen hem/ den selve goede te leve(re)n ende oft de vors(creven) vanden houte/ katlijne couwens en(de) goessen schoemakers of yemant and(er)s/ dair tegen yet seggen oft alleg(ere)n wilden dat zij des q(ua)men/ alhier voe(r) meye(re) en(de) scepen(en) int recht tot eenen zek(ere)n dage/ van rechte mids verstriken van genechten op heden diende/ aldair de selve p(er)sone noch nyemant van heuren wegen comen
//
en es den voirs(creven) geleidden compare(re)nde en(de) trecht v(er)suecken(de)/ doende oic blijcken resc(ri)pcie vanden diene(re) vander nuw(er)capellen/ die certificeerde dat hij dexecucie navolgen(de) den v(er)suecbrieve(n)/ gedaen hadde en(de) den p(ar)tien vors(creven) dach bescheiden So hebben/ de scepen(en) van loeven t(er) maniss(en) smeyers gewijst voer een/ vo(n)nisse so verre des voirs(creven) geleidden wed(er)p(ar)tie niet en/ quame ten opstaene smeyers en(de) van hen scepen(en) datmen/ hem dan vanden vors(creven) goeden houden sall in zijnen vors(creven) beleide/ tot zijnen wettigen gebreke behoef also v(er)re alst noch voer/ hen scepen(en) comen es Cor(am) eisdem