It(em) also als ten vervolghe willems hubrechts geleidt zijnde/ voer zijn wettich gebreck van iii mudden tarwen en(de) iii mudden/ corens eens tot allen den goeden have ende erve jans joram/ geheten de kersmake(re) marien zijns wijfs en(de) reyners va(n) nyvele/ gescr(even) es geweest den meye(re) van graven of zijnen stedehoude(re)/ hem de selve goede te leve(re)n ende oft de vors(creven) gehuyschen/ en(de) reyne(r) oft yemant anders dair tegen yet seggen of allege(re)n/ wilden dat zij des quamen op heden alhier voer meye(re) en(de)/ scepen(en) int recht aldair zij noch nyemant van heuren wegen/ comen en es den vors(creven) geleidden compare(re)nde en(de) trecht v(er)suecken(de)/ doende oic blijcken resc(ri)pcie vanden vors(creven) meye(re) dat hij dexploit/ gedaen en(de) p(ar)tijen dach bescheiden hadde So hebben de scepen(en)/ van loeven ter manissen smeyers gewijst voer een vo(n)nisse so/hebben de s verre des vors(creven) geleidden wed(er)p(ar)tie niet en/ quame ten opstaene smeyers en(de) van hen scepen(en) datmen hem dan/ vanden vors(creven) goeden houden sall in zijnen vors(creven) beleide tot/ zijnen wettigen gebreke behoef also v(er)re alst noch voer hen/ scepen(en) comen es cor(am) abs(oloens) roelants liefkenrode hoeven tybe/ tants novembr(is) xxvi