Allen den ghenen (et)c(etera) dat stas roelofs heeft gheconstitueert/ gestelt en(de) gheordineert sijn p(ro)cur(eur)s en(de) voirgang(er)s meest(er) stas ende/ janne vander hoeven ghebruede(ren) sijne(n) neve(n) en(de) jannesse heems/ en(de) elken besund(er)t in allen hue(re)n saken ghescillen en(de) bederve(n) die hij nu/ uutstaen(de) heeft oft naemaels hebben sal moghe(n) in ae(n)legg(er)s oft/ verweerd(er)s stad hoedanich die sijn Geven(de) en(de) v(er)leenen(de) de voirscr(even)/ constitueerder den vors(creven) sine(n) p(ro)cur(eur)s en(de) elken zund(er)linghe thoenre/ des(er) volcome(n) macht p(ro)curacie auctoriteyt en(de) zund(er)linghe beveel/ de selve saken macht met rechte te vervolgen(e) te v(er)antw(eer)den(e) te/ bescudden(e) en(de) te bedinghen(e) talle(n) plaetssen voir alle gherichte(n) geestel(ijck)/ en(de) weerlijck en(de) teghen eene(n)yeghelijken d(air) des behoeve(n) en(de) te doen sal/ wesen En(de) desgelijx om alle desselfs constitueerd(er)s gode chijsen rente(n)/ pachten lijft(ochten) en(de) ande(re) schulden dieme(n) hem nu schuld(ich) es oft nae(maels)/ wesen sal te mane(n) teysschen op te bue(re)n en(de) tontfanghe(n) quit(ancie)?/ dair voe(r) te panden(e) te daghen(e) en(de) rastamente te doen leggen(e) comp(osicie)/ en(de) mynlijke yffeni(n)ghe d(air) af te maken(e) scepen(en) brieve(n) te vo(n)nissen en(de)/ texeque(re)n (et)c(etera) en(de) alle(n) poincte(n) (et)c(etera) P(ro)mitt(ens) rat(um) compu(tati)[o(n)e] et revoc(atione) cor(am)/ buetssele burg(imagistr)[o] lyefkenrode tybe no(vem)[br(is)] xxii