It(em) jan wyelants becke(r) in deen zijde ende jan pagain nu t(er) tijt/ printe(r) in dande(re) sijn met malcande(re)n ov(er)come(n) en(de) eenswordde(n)/ voir hen heuren erve(n) en(de) naecomelinghen also van huer(er) beyder/ erve deen neve(n) dander gheleghen inde hoelstrate de erfvurw(eer)den/ en(de) (con)dicien hier nae besc(re)ven Inden yersten dat de voirs(creven) jan wyelants/ noch sijn naecomelinghen negheend(er)hande vynste(re)n en sullen moghe(n)/ maken nocht houden inden huyse acht(er)sten huyse desselfs jans/ wyelants ten hoveweert aen des voirs(creven) jan pagain Item/ dat allet wat(er) uutghenome(n) weycxel haerinck ende vischwat(er)/ comen(de) uut ende vanden huysen boven en(de) beneden des voirs(creven)/ jans wyelants wyelants en(de) desselfs jans pagain sijne(n) loop/ en(de) ganck hebben sal tot inde voute vander heymelicheyt des/ voirs(creven) jans pagain staen(de) aenden hoff desselffs jans pagain/ It(em) dat de selve jan wyelants en(de) jan pagain en(de) huer/ naecomelinghen de voirs(creven) heymelicheyt van nu voirtaen ten/ ghelijken coste sullen houden in goeden state en(de) rep(ar)acie(n) vander/ pijpen nederw(eer)ts ende soe wanneer de selve heymelich(eyt) behoefde/ ghereynicht te wordden dat sij dat ten ghelijken coste tallen tijde(n)/ sullen doen ende tgheruymde legghen opden hoff des voirscr(even)/ jans pagain zonder fraude en(de) arghelist Ende alle dese vurw(eer)d(en)/ gheluften en(de) condicien hebben ghelooft de voirs(creven) jan wyelants/ in deen zijde ende jan pagain renu(n)cian(s) in ande(re) malcande(r)/ghelooft voir hen hue(re)n erven en(de) naecomelinghe(n) vast ende/ ghestentich te houden(e) ende te voldoene tallen tijden en(de) t(er)mijne(n)/ als die vallen en(de) verschijne(n) sullen [ass(ecutu)m] alsoe dat elken van hen/ voir hem sijne(n) erve(n) ende naecomelinghe(n) vast en(de) zeker sal/ sijn tot ewighen daghen cor(am) lyefkenrode hoeve(n) novembr(is) v[ta]