Item de voirs(creven) guedinghe es geschiet te dier meyni(n)ge(n)/ dat de voirs(creven) lijsb(eth) eveloeghe tvoirs(creven) stuck soe wijngairt/ soe bosch vercoopen sal alsoe gheringhe als zij can en(de) mach/ ten meesten p(ro)ffijte ende metten pe(n)ni(n)gen dair af comen(de)/ te coopen(e) lijfrinten ten live svoirs(creven) brueder goorts ende/ ten live van eenen van zijnen zuste(re)n dair inne de/ selve brued(er) goort zijn voe(r)heffen behouden sal dwelc de/ voirs(creven) lijsb(eth) eveloeghe den voirs(creven) henr(icke) van gulcke ende/ lijsb(etten) heyms gehuysschen gelooft heeft alsoe te voldoene/ Ende tot dien hebben gelooft de voirs(creven) henrick van gulcke/ renu(n)cian(s) ende lijsb(eth) heyms zijn huysvr(ouwe) den voirs(creven) brueder/ goorde te geven(e) vijf rijns gulden(en) eens te lx pl(acken) tstuck/ ter stont nae de doot der voirs(creven) lijsb(etten) eveloeghe ende/ niet eer ende die pe(n)ni(n)gen aen te leggen ten live/ des voirs(creven) brueder goerts en(de) lijsb(etten) cluppels zijnre huysvr(ouwe)/ zuster dair af de voirs(creven) henr(ick) van gulcke en(de) lijsb(eth) zijn/ huysvr(ouwe) dbewynt hebben sullen om die aen te leggen(e) en(de)/ tot dat die aengeleechten zullen zijn dair inne de/ voirs(creven) brued(er) goort insgelijcx zijn voe(r)heffen behouden sal/ En(de) alsdan hebben gelooft de voirs(creven) henr(ick) en(de) lijsb(eth) zijn/ huysvr(ouwe) de voirs(creven) pe(n)ni(n)gen aen te leggen(e) ten yersten/ dat zij vynden goede panden oft borghen cor(am) eisd(em)