Want willem de witte die nae de hooghe heerlich(eit) ons/ liefs gened(ichs) he(re)n tsh(er)toghen ende den rechte des(er) zijnre/ stad van loeven(e) uut machte van scepen(en) brieven van/ loeven(e) voe(r) zijnen wettich gebreck van drie rijns gul(den)/ lijftochten comen en(de) geleydt is tot allen den goeden beide/ have ende erve jans roosairts wair die belegen zijn/ opten dach van heden hadde doen dach besceyden met/ andriese van voshem vorste(r) janne gyntens bruede(r) woenen(de)/ inden kandele(r) ende airde crol witledermake(r) en(de) den selve(n)/ p(er)soenen hadde doen bedwingen hande te lichten van zekeren/ goeden die zij in pechtingen houden(de) zijn vand(en) voirs(creven)/ janne roesairts te weten(e) de voirs(creven) jan twee boende(re)n/ opde loo en(de) de voirs(creven) airt (½) boende(r) lants gelege(n) te/ dyependale en(de) dat zij dair af nyeman(de) betalingen doen/ en souden dan den voirs(creven) geleyden Tot welcken daghe/ de voirs(creven) p(er)soene(n) niet comen en zijn noch ande(re) van/ hue(re)n weghen den voirs(creven) wille(m)me comp(ar)e(re)nde en(de) trecht/ voirt v(er)sueken(de) soe wijsden de he(re)n scep(enen) van loeven(e) t(er)/ manissen smeyers voe(r) een vo(n)nis yerst aengehoirt den/ voirs(creven) andriese die clairde bij zijnen eede den voirs(creven)/ ii p(er)soene(n) dach besceyden te hebben(e) en(de) voirts dexecucie/ gedaen te zijne datme(n) den voirs(creven) wille(m)me houden/ soude inde macht van zijne(n) bel(eyde) soe v(er)re dat noch/ voe(r) scep(enen) comen is cor(am) o(mni)bus scabinis in scampno/ dempto hove junii ultima