Allen den ghene(n) die dese l(ette)ren sullen sien oft hoiren lesen/ borg(er)meest(ere)n scepen(en) raidt et(cetera) dout cont ende te weten(e)/ dat opden dach datu(m) van desen vore ons comen es her jan/ vander heyden prieste(r) sone wijlen ynghelrams ende heeft/ geconstitueert gestelt ende geordineert h(ere)n janne bruyninckx/ prieste(r) cappellae(n) der kerken van sinte pet(er)s te loeven(e) ende/ gheeft den selven h(er) janne volcomen macht ende auctoriteyt/ alle sijn saken questien ende gescillen die hij in aenlegghere/ oft v(er)weerder stad te doene mach hebben tegen wat p(er)sone/ dat dat sij te beleyden(e) allen sij te bedyngen te wynnen ende/ te v(er)liesen ende voirtane sijn chijse renten ende sculden te/ manen teysschen ende op te bueren ende tonfanghen scepen(en)/ brieven te vonnissen ende all des voirs(creven) steet te executeren(e)/ voir alle gerichten gheestelijck ende weerlijck den sculders/ te quiteren ende volcomen quitan(cie) te geven(e) te repliceren/ ende te dupliceren alsoe wel int principael alss int accessoir/ getuyghen te leyden(e) der wederp(ar)tijen getuygen te sien sweren/ die te batteren alsoe me(n)nich werven als dat te doene sall sijn/ P(ro)mitten(s) rat(um) salvo iusto calculo ad revoca(ti)[o(n)em] cor(am)/ nausnydere vynck julii xviii