Want jan datijn die jairlijcx tot zijnen live heeft en(de) houden(de) is/ met scepen(en) brieven van loeven(e) vand(er) daet xiiii[c] xlix xiiii dage(n)/ in junio thien gulden rijnssche gulden(en) oft weerde dair af/ alle ja(r)e opten xiiii dach der maent van junio en(de) inder/ stad wissel van loeven(e) te leve(re)n aen en(de) op de goede en(de) pande/ hier nae bescreven opten dach van heden [als op verstreken(en) dage van genechte] hadde doen bescriven/ den kynde(re)n jans wijlen otten die de selve goede houden en(de)/ hantplichten sonder den voirs(creven) janne datijn te v(er)nuegen van zijne(n)/ rinten voirs(creven) en(de) v(er)socht aen den meye(re) van halen oft zijne(n) stadh(oudere)/ te leve(re)n alle de selve goede mittgad(er)s den haeflijken goeden/ die hij opde selve goede bevynden soude den meest(er)s vand(en) gronde/ toebehoe(re)nde en(de) hue(r) handen vand(en) selven te doen lichte(n) Tot/ welcken v dage voirs(creven) noch tot opten dach van heden de selve/ kynde(re)n otten niet gecomen en zijn noch ande(re) van hue(re)n wege(n)/ janne crams p(ro)cur(eur) svoirs(creven) jans datijn compare(re)nde en(de) recht/ voirt v(er)sueken(de) soe wijsden de he(re)n scepen(en) van loeven(e) voe(r)/ een vo(n)nis t(er) manissen smeyers yerst aengehoirt tybout/ steenweechs ons(en) gezworen(en) diene(r) die clairde bij zijne(n) eede/ dat hij den brief gedrage(n) hadde aen den voirs(creven) meye(re) en(de) dat/ hij dexecucie gedaen hadde en(de) p(ar)tien dach bescheiden datme(n)/ den voirs(creven) p(ro)cur(eur) inden name vand(en) voirs(creven) janne vand(en) voirs(creven)/ lijfrinten houden soude inde macht vand(en) voirs(creven) scep(enen) brieve/ en(de) leveringe voirs(creven) alsoe v(er)re alst noch voe(r) scep(enen) comen is cor(am)/ o(mni)b(us) scab(inis) in scampno dempto schoenvorst augusti xx
//
It(em) derdalf zille lants gelegen opt selve velt tusschen/ den goeden jans otten en(de) de h(er)strate ald(air)/ It(em) derdalf dach(mael) lants gelegen op yse(re)nvelt inde selve p(ro)chie/ tusschen de selve goede der kynde(re)n goorts wijlen de weer/ ende den goeden jans otten voirs(creven)/ It(em) i(½) dach(mael) d lants gelegen op tselve velt tusschen boxho(r)ens/ grecht en(de) den goeden der kynde(re)n luytgairden/ It(em) (½) boender lants gelegen op tvelt geheeten den caberch/ tusschen den goeden der kynde(re)n geheeten pet(er)jans kynde(re)/ ende de h(er)strate ald(air)