Villicus lovan(iensis) med(iantibus) scab(inis) lovan(iensibus) addux[(i)t] m(a)g(ist)r(u)m augustinu(m) de/ nethenis d(i)c(tu)m royeele secretar(ium) op(idi) lov(aniensis) ad o(mn)ia et sin(gu)[la]/ bo(na) i(n)mo(bilia) et he(re)d(itari)[a] egidii et golini vand(er) to(m)men fr(atru)m infra lo(vaniu)[m] et/ ex(tra) sit(a) in mans(ionibus) domibus curt(ibus) t(er)r(is) ar(abilibus) p(ra)t(is) pascuis silvis vivar(iis)/ censu t(re)censa redditib[(us)] et suis p(er)tinen(tiis) univ(er)s(is) pro c(er)t(is) conditionib[(us)]/ et co(n)ventionib[(us)] [he(re)ditariis] co(n)sc(ri)pt(is) in l(itte)ris scab(inorum) lov(aniensium) quar(um) tenor sequi(tur) in hec/ v(er)ba Cont zij allen lieden dat gielijs en(de) golijn vander to(m)men/ wettige kynde(re)n willems wijlen vand(er) to(m)men in jegenwoirdich(eit)/ der scep(enen) van loeven(e) gestaen hebben gekint en(de) gelijdt openbaerl(ec)/ dat zij ov(er)comen en(de) eensworden zijn met jouffr(ouwe) johanne(n) vand(er)/ to(m)men huer(er) wettig(er) suster die de voirs(creven) wijlen willem hadde/ van wijlen jouffr(ouwe) lijsbetten kerremans in manie(re)n van erff/ vorwerden en(de) bewijssenissen van goeden oft renten die de/ voirs(creven) jouffr(ouwe) johanne bijden voirs(creven) wijlen willem(me) hue(re)n/ vader en(de) der voirs(creven) jouffr(ouwe) lijsb(etten) hue(re)r moed(er) in hue(re)n testa(men)[te] gelate(n)/ wa(r)e te weten(e) vijftich blauw croenen te xl pl(a)c(ken) brabants tstuck/ Welcke vijftich blauw croenen voirs(creven) de voirs(creven) gebruede(re)n der/ voirs(creven) huer(er) sust(er) bewesen hebben en(de) bewijsen met desen in zeke(re)n/ erfgoeden rinten en(de) erfpachten te weten(e) in een stuc beempts/ gelegen te haicht tusschen de goede he(re)n pet(er)s vand(en) heetvelde/ ter eenre der kynde(re)n bloets t(er) ande(re) jans vand(er) paelt t(er) derder/ en(de) de wat(er)leyde t(er) vierder zijden ghelden(den) jairl(ex) thien rijns
//
gul(den) te twintich stuv(er)s tstuck te weten ii pl(acken) brabants ghelts/ voe(r) elcken st(uver) ge(re)kent It(em) in een stuck beempts gelegen inde/ selve p(ro)chie tusschen de goede der vrouwen van vrouwenp(er)cke/ t(er) eenre roelof capelleman t(er) ande(re) tgoerbroeck t(er) derde(r)/ en(de) airts ruwiers t(er) vierd(er) zijden ghelden(de) jairl(ex) seven blauw/ croene(n) ind(er) weerden voirs(creven) It(em) in seven blauw croene(n) ind(er) [selver] weerd(en)/ aen en(de) op zeke(re) goede en(de) onderpande jans kerremans te bersele/ gelegen It(em) in x(½) zacken rocx pacht en(de) mate van grymb(er)ghen/ aen en(de) op alle alsulke hue(r) goede als zij houden(de) en(de)/ besitten(de) zijn te grymb(er)ghen en(de) dair omtrint Met vorw(er)den/ ende condicien dat de voirs(creven) gebruede(re)n hue(r) oir en(de) nacomel(ingen)/ den selven erpacht quijten en(de) lossen selen moegen teenen/ oft te ii malen mair niet myn dan deen helicht daer af/ teenen male en(de) elcken zack daer af met xxxvi blau/ croenen ind(er) weerden voirs(creven) en(de) met vollen pachte nae/ gelande vand(er) quijtingen En(de) uut dien dat den eene(n) beempt/ der voirs(creven) twee beempden te weten den beempt van/ x rijns gul(den) gehouden wordt vand(en) leenhove va(n) rotsselair/ en(de) den ande(re)n beempd vand(en) voirs(creven) gebruede(re)n soe is vorw(er)de/ en(de) condicie dat de voirs(creven) gebruede(re)n der voirs(creven) jouffr(ouwe) johanne(n)/ huer(er) zust(er) thuer(er) manissen dair inne cleeden zullen en(de) hant/ en(de) mont leene(n) tot der selv(er) jouffr(ouwe) johannen coste En(de)/ als vand(en) ghenen diemen vand(en) selven gebruede(re)n houdt/ sal de voirs(creven) jouffr(ouwe) johanne ongehouden zijn enige heerlijke/ rechten hen te betalen(e) uutgenome(n) der ma(n)ne(n) recht En(de)/ wa(n)neer de voirs(creven) gebruede(re)n om de voirs(creven) guedinge te doene/ comen selen sal zij hen d(aer) voe(r) dan geven en(de) betalen eene(n)/ gul(den) om hen uut(er) h(er)bergen te lossen desgel(ijcks) hebbe(n) de voirs(creven)/ gebruede(re)n geconsenteert consente(re)n en(de) ov(er)geven dat de voirs(creven)/joh jouffr(ouwe) johanne huer sust(er) heffen sal xxv blau c(roe)nen inder/ weerden voirs(creven) eens aen henr(icke) schelkens huer(er) beid(er) wy(n)ne/ alse voe(r) de geheele betalinge van eenen jae(r) die huer/ v(er)scheen te kersmisse lestleden sonder p(re)judijs vanden/ toecomen(de) t(er)mijnen en(de) jairscharen En(de) heeft de voirs(creven) jouffr(ouwe) johanne ov(er)gegeven ende gheeft ov(er) den voirs(creven) hue(re)n
//
bruede(re)n alle alsulke v(er)schenen pachten als anthoenijs de cortte/ huer sculd(ich) en(de) belanck mach zijn totten dage toe van heden/ om den selve(n) gebruede(re)n dier te gebruyken(e) alse huer p(ro)per/ schult Hier wa(r)en ov(er) emont roelants en(de) raes vand(er)/ lynden scep(enen) te loeven(e) en(de) wert gedaen int jair ons he(re)n/ duysent vierhondertachten(de)tseventich opten ix dach der maent/ van junio Et h(ab)uit que(re)las h(iis) int(er)f(uerunt) nausnyde(re) vynck junii xxvii