Johannes habet/ Allen den ghene(n) et(cetera) doen cont dat johannes vander/ hofstad soen wilen johannes heeft mechtich gemaect jouffr(ouwe)/ margriete(n) van wynge sijnder huysvr(ouwe) hugen van udekem/ voirspreke jacoppen vernoyen henricken meynarts gehete(n)/ standarts jan de wale jans sone douwe vrancken van/ nuwenrode joes pauwels jan van haecht voirspreke ende/ willem(me) van haesdonck ende symon(e) van weesbeke in allen/ sijne(n) saken gescild(en) ende bederve(n) die hij nu uutstaen(de) heeft/ oft namaels hebben sal moegen in aenlegghers oft v(er)werd(er)s/ stad hoedanich die sijn Geven(de) ende verleen(de) de selve/ constitueerder den selven voirs(creven) sijne(n) p(ro)cur(eur)s ende elken/ bezund(er)t thoender van dese(n) volcome(n) mach p(ro)curatie/ auctoriteyt ende zunderlinge bevel de selve saken met/ rechte te v(er)volgen te bescudden te v(er)antwerden ende te/ bedingen tallen plaetsen gheestlijck voir alle gherichten/ geestelijck ende weerlijck ende tegen eene(n)yeghelijkcken/ dair des behoeve(n) ende te doen(e) sal wesen Ende desgelijcx/ om alle sijn pachten chijsen renten erfpachten ende sculden/ te v(er)volgen te bedynghen te wynne(n) ende te v(er)liesen/ te mane(n) teysschen opte bueren ende tontfanghen quitan(cie)/ et(cetera) te wynne(n) Geven(de) voirts de selve johannes vo/ den voirs(creven) sijne(n) p(ro)cur(eur)s ende elken sunderlinge eene(n) oft/ meer p(ro)cur(eur)s in huer stad voirts te stellen(e) ende te substi/ tueeren(e) et(cetera) P(ro)mitten(s) rat(um) cu(m) comput(atione) et revocatio(n)e/ cor(am) hove burgim(a)g(ist)ro berge hove scabinis junii xxvii