Het sijn come(n) in rechte voir meye(r) en(de) scepen(en) van loeven(e) h(er)man baten/ zone wijlen h(er)mans aenlegge(r) in deen zijde tegen andriese boen v(er)weerde(r)/ in dande(r) ald(air) de voirs(creven) h(er)man den voirs(creven) andriese aensprack en(de) dede segghen/ met sijnen gelev(er)den voirsprake dat hij onlanx leden gaende quam op een/ velt om te gaen(e) sneppen sijn derdemeer bij schore dat de voirs(creven) andries/ den selven h(er)man aenruchte herman ghij maicht ov(er) mijn erve eenen/ ghemeynen wech en(de) dat es teghen mijnen wille en(de) dancke ic cale(n)gier/ u met meer ande(re) injurieusen woorden en(de) onder den ande(re)n dat h(er)man/ gaen soude opden steen en(de) halen sijnen vader dien de meye(r) ald(air) doot/ gepijnt hadde en(de) v(er)moort en(de) oft hij dat ontkenne(n) woude soe boet hij/ dat te thonen(e) en(de) metten mynsten dair hij mede lijden mochte inden/ rechte (et)c(etera) Dair op de voirs(creven) andries antw(er)de ontkennende hem de woorde/ alsoe gheseegt te hebben(e) mair kende dat hij hem ghecalengiert hadde/ op sijn erve met meer woirden in beyden zijden (et)c(etera) Alsoe dat de voirs(creven)/ h(er)man ghewesen was tot sijnen thonisse en(de) tselve thonisse ghehoort sijnde/ ter ande(re) ghenechten van rechte de selve andries in rechte co(m)p(ar)e(re)nde/ en(de) recht voort v(er)sueken(de) Ald(air) de voirs(creven) h(er)man noch nyema(n)t van sijnen/ weghen comen en es hopen(de) d(air) om de selve andries der aenspraken onghe/ houden te zijne Soe wijsden de he(re)n scepen(en) t(er) manissen smeyers voir een/ vo(n)nisse wair de wed(er)p(ar)tije des voirs(creven) andries niet en quame ten opstaen(e)/ smeyers en(de) van hen scepen(en) dat de voirs(creven) andries der aenspraken onghe/ houden soude sijn cor(am) duffle lyefkenrode hoeven buetssele vyncke/ decembr(is) xxiii