Cont sij allen lieden dat loenijs van udekem zoone wijlen loenijs/ in p(rese)ncia heeft uutgegeven en(de) bekynt uutgegeven te hebben(e) jacoppe/ helbeert zone wijlen jacops en(de) m(ar)grieten wairloos zijnre huysvr(ouwe)/ woenen(de) te wike inde p(ro)chie van campenhout de goede hier/ nae bescreve(n) Inden yersten een block lants groot zijnde twee boende(re)n/ gelegen inde p(ro)chie van erps geheeten de goede van delbroeck/ tusschen den goeden der vrouwen van assche t(er) eenre en(de) de/ strate geheete(n) de loevenssche strate t(er) ande(re) It(em) een block lants/ groot zijnde twee boende(re)n gelegen terps gelegen aen tvoirs(creven)/ block lants It(em) noch zeke(re) beempden en(de) eeussellen inder mate(n)/ houden(de) acht boende(re)n paulo gelegen aen de voirs(creven) twee bloken/ lants Te houden te hebben en(de) te besitten van half meerte/ lestleden eenen t(er)mijn van tweelf jae(re)n langk due(re)nde deen/ nae dande(r) sonder middel volgen(de) Elx jairs dae(re)n bynnen/voe(r) en(de) o(m)me alle de voirs(creven) landen beempden en(de) eeusselle(n)/ voe(r) en(de) o(m)me derthien rijns gulden(en) en(de) eene(n) halve(n) te/ xx stuv(er)s tstuck mo(ne)[te] illustrissimor(um) d(omi)nor(um) (et)c(etera) te iii pl(acken) den/ stuve(r) alle jae(re) tsinte m(er)tensmisse inden wynt(er) te betalen(e)/ den voirs(creven) loenijs den voirg(eruerde) t(er)mijn due(re)nde quol(ibe)t ass(ecutu)m/ op de cond(ic)ien hier nae volgen(de) Inden yersten dat/ de voirs(creven) wynne(n) jairl(ijx) den t(er)mijn due(re)nde de wynnen(de)/ landen wynne(n) werve(n) mesten en(de) bezayen sullen gelijck/ regenoeten bove(n) en(de) beneden en(de) ten afscheiden(e) vand(en)/ selve(n) t(er)mijne selen de selve wynne(n) tvoirs(creven) block lants/ gelegen aen de loevenssche strate [laeten] brake It(em) dand(er) block lants/ stortte elck eens o(m)megedaen It(em) de selve wynne(n) selen jairl(ijx)/ den t(er)mijn due(re)nde op hue(re)n cost houden alle wegen aen/ de voirs(creven) goede liggen(de) alsoe dat de voirs(creven) goede [dair bij] niet/ bescadicht en wordden en(de) oft uut gebreke van dien enige/ scade geschiedde die sele(n) de wynne(n) op hue(re)n cost drage(n)/ En(de) desgel(ijx) selen de wynne(n) jairl(ijx) houden op hue(re)n cost alle/ pachten aen de voirs(creven) goede staen(de) En(de) de wynne(n) selen alle/ trunckhout hebben o(m)me de voirs(creven) goede mede te bevrede(n)/ nae inhouden der ouder pechtingen It(em) oft eenige willige(n)/ / oft ande(re) boomen v(er)dro strunckhout v(er)droechden die selen/ den wynne(n) toebehoe(re)n en(de) voe(r) elcken vand(en) selve(n) v(er)droechde(n)/ strunckhoute(n) selen de wynne(n) altijt setten twee leven(de)/ poote(n) vand(en) selve airde en(de) die wel en(de) wettelijck v(er)doirne(n)/ En(de) al dese vorw(er)den (et)c(etera) cor(am) hoeven vyncke junii xxviii