It(em) jan guedens zone wijlen [goorts] wonen(de) taerschot en(de) peet(er) goes zone/ giel(ijs) wonen(de) tantw(er)pen droechscheerde(r) beyde behoude zonen jans wijlen/ vand(en) hulst gheheete(n) raymak(ere)n hebben ghelooft ind(ivisim) jouffr(ouwe) marie(n)/ nuweroets wed(uwe) meest(er) henr(ix) wijlen vyncx Welke jouffr(ouwe) marie jairlix/ heffen(de) es drie holl(antse) gul(den) erf(lijck) aen twee stucken beempts des voirscr(even)/ wijlen jans vand(en) hulst bij een ghelegen tarschot bijde vesten tussche(n)/ de selve vesten en(de) de goede she(re)n van aerschot op welken beempt de/ hee(r) van aerschot voir sijne(n) he(re)n chijs daghen(de) es Tselve daghe/ ment voe(r) en(de) eer dat uutgaen(de) sal met rechte te schutten(e) met/ coste en(de) co(m)me(re) alsoe dat [sij] hue(re)n selve(n) erfchijs van drie(n) hollan(tse)/ gulden(en) ald(air) op sal bliven heffen(e) in sulk(er) natue(re)n en(de) oude(r) als/ hij te voren stont Ende in gevalle oft de voirs(creven) jan en(de) peet(er) den/ voirs(creven) beempde voorts liete(n) uutdaghe(n) en(de) niet in tijts en scutten/ soe hebben sij gheloeft als voe(r) der voirs(creven) jouffr(ouwe) marie(n) dair voe(r)/ inne te stane en(de) erfrente voir hen hue(re)n erve(n) en(de) naecomelinge(n)/ nae der stadt rechte van loven(en) op pa(n)de te bewijsen(e) Ende alsoe/ vele te doen(e) dat huer dat voir huer hue(re)n erve(n) en(de) naecomeli(n)ge(n)/ ghenoech sal sijn tot eweghe(n) daghe(n) cor(am) duffle hoeve(n) sept(embris) xiiii