Op heden zijn gecomp(ar)eert de voirs(creven) executeurs bijden raide vand(er) stadt/ ald(air) te kynne(n) geven(de) hoe de voirs(creven) jan wijlen de roeve(re) in zijne(n) testa(men)[te] onder/ ande(re) legaten gemaict heeft ja(n)ne meys de(n) jonge(n) wettich zone jans meys verwers/ eenen rijns gul(den) lijftochten ten live desselfs jans meys des jonge(n) van welcke(n) legate/ de voirs(creven) executeurs den selven janne meys gh(er)ne voldoen souden ende/ bereet zijn te voldoene En(de) want de voirs(creven) jan meys [de vader] van sulcke(n) regime(n)te/ is dat de voirs(creven) executeurs hen beduchten dat de pe(n)ni(n)gen vanden/ voirs(creven) legate inden p(ro)ffijte desselfs jans meys des jonge(n) zijns zoons niet bekeert/ en souden wordden dair o(m)me de voirs(creven) executeurs bijden voirs(creven) ja(n)ne meys de(n) jonge(n)/ als hij tot zijne(n) jae(re)n come(n) sal zijn gepraempt en(de) belast souden wordden/ vand(en) voirs(creven) legate Dair o(m)me de voirs(creven) executeurs v(er)socht en(de) gebeden hebben den/ voirs(creven) he(re)n vand(en) raide te hebben p(ro)visie oft dat bijden selve(n) he(re)n tot/ behoef des voirs(creven) jans meys zeke(re) momboirs gestelt wordden die/ den voirs(creven) executeurs behoirlijcke quijtan(cie) deden vand(en) voirs(creven) legate/ op dat zij vand(en) fiscael van luydick niet gelast noch gepraempt en/ wordden en(de) op dat zij met eenre betalinge(n) gestaen mochten Soe zijn/ op heden gestelt en(de) geordineert om te wesen momboirs en(de) regeerd(er)s desselfs/ jans meys des jonge(n) uut(er) stad raide de voirs(creven) jan van buetsselle en(de) henr(ick) ooghe o(m)me/ van des voirs(creven) is behoirlijcke quijtan(cie) te geven(e) cor(am) p(re)d(ictis) burg(imagistr)[is] et aliis de (con)(sili)[o] eod(em) die