Vander questien die geweest is bijden raide vand(er) stad tusschen/ janne van bolloe zone wijlen willems aenlegge(r) t(er) eenre tege(n)/ yden yeven weduwe jans wijlen douwen verw(er)dersse t(er)/ ande(r) zijden Ald(air) de voirs(creven) jan van bolle begheerde vand(er)/ voirs(creven) weduwen te hebben betalinge vand(er) hueringen van/ eenen beempde desselfs jans gelegen te werchte(r) van twee/ jae(re)n v(er)schenen en(de) gevallen elcx jairs xx hollants guld(en)/ en(de) dit nae inhouden den vo(n)nisse der scepen(en) van loeven(e)/ werchte(r) Dair op de selve v(er)w(er)dersse dede segge(n) want de/ hueringe vand(en) selve(n) beempde gesciedde int jair va(n) lxxxvii/ dwelck was eensdeels ten tijde vand(en) lichten ghelde dat/ zij mits dien de selve hueringe betalen soude met lichte(n)/ ghelde Seyde oick voirts tot dien dat zij begh(er)de te hebben/ afslach vand(er) voirs(creven) hueringe(n) gemerct den zwae(re)n tijt die/ nu regne(re)nde is met meer woirden bijder selv(er) geallegeert/ Dair op de voirs(creven) aenlegge(r) p(rese)nteerde der selv(er) yden afslach te/ doene vand(en) quaden jae(re) van oirloge(n) gelijck regenoete(n) bove(n) ende
//
beneden mair van desen lesten jae(re) hoopte de selve aenlegge(r)/ te hebbene betalinge met ghelde nu t(er) tijt loop hebben(de) Soe/ nae v inhouden vand(en) mandemente ons gened(ichs) he(re)n srooms/ coni(n)cx lestwerf uutgeroepen [was] vand(er) mu(n)te(n) soe wart bijden raide/ vand(er) stad uutgesproken voe(r) recht yerst aengaen(de) den afslage/ des v jairs vand(en) oirloge dat de selve jan van bolloe gestaen/ sal met zijnre p(rese)ntacie(n) En(de) als vand(er) betalinge(n) vand(en) zwaren/ ghelde nu loop hebben(de) sullen de voirs(creven) p(ar)tien hen vuege(n) nae/ der ordinan(cie) vand(en) voirs(creven) mandemente ons gened(ichs) he(re)n srooms/ coni(n)cx der mu(n)te(n) lestwerf uutgeroepe(n) d(air) op gemaict en(de) uutgeroepe(n)/ cor(am) hove burg(imagistr)[o] et aliis de cons(ili)[o] junii x