Allen den ghenen die dese l(ette)ren zullen zien oft/ hoiren lesen borg(er)meest(er)s scepen(en) en(de) rait der stad/ van loeven(e) salut Met kynnissen der wairheit doen/ cont en(de) te weten(e) dat opten dach van heden datu(m)/ van desen voe(r) ons comen is in p(ro)pe(re)n p(er)soene jorijs/ de hont weduwe(r) van jouffr(ouwen) cornelien wijlen sacrestijns/ zijnd(er) ierster huysvr(ouwen) en(de) heeft inden name van hem/ selven en(de) van weghen jouffr(ouwen) marien shonts zijnre/ wettig(er) docht(er) in zijnen broode zijnde die hij behouden/ heeft vand(en) voirs(creven) jouffr(ouwen) cornelien wijlen sacrestijns/ zijnre huysvr(ouwen) geconstitueert gestelt en(de) geordineert/ volcomen macht p(ro)cu(ra)cie auctoriteit en(de) zunderlinghe/ bevel gegeven sond(er) enich wederroepen [den vercoope aengaende] henricke/ vyncke woenen(de) te bruesselle oom der voirg(enoemde) jouffr(ouwen)/ marien shonts om inden name desselfs jorijs de/ hont en(de) zijnd(er) docht(er) alle alsulcke erfgoeden als der/ voirg(enoemde) jouffr(ouwen) marien shonts toecomen en(de) v(er)storven zijn/ bijder aflivich(eit) der voirs(creven) wijlen jouffr(ouwen) cornelien/ huer(er) moed(er) ten hoochsten en(de) ten meesten orbe(r) en(de)/ p(ro)ffijte der selv(er) jouffr(ouwen) marien shonts te vercoopene/ de selve goede behoirlijck op te draghen en(de) met halme/ dair op wettelijck te worpen en(de) te v(er)thijden den/ coope(r) oft coopers inde selve v(er)cochte goeden met alle/ solempniteiten van rechte nae costume en(de) usance/ der voirs(creven) stad van bruesselle behoirl(ijck) te goeden ende/ te erven met geluften van genoechdoen dair af te/ geloven(e) En(de) voirts om alle de rinten ende sculden/ desselfs constitueerd(er)s en(de) zijnd(er) docht(er) diemen hen/ inde voirg(eruerde) stad van bruesselle nu t(er) tijt sculdich is oft/ namaels wesen sal en(de) oick de pe(n)ni(n)gen vand(en)/ v(er)coope der voirg(eruerde) goeden comen(de) Te mane(n) teysschen/ op te bu(r)en en(de) tontfangen den sculd(er)s van zijnen/ ontfanghe quijt te schelden en(de) volcomen quijtan(cie) te
//
geven(e) Dair voe(r) te panden (et)c(etera) composicie (et)c(etera) scep(enen)/ brieven te vo(n)nissen en(de) texeque(re)n die met te v(er)volge(n)/ en(de) te bedinghen die te wynnen en(de) te v(er)liesen thoenisse/ en(de) wairheiden te leyden der wederp(ar)tien getuygen te/ zien en(de) hoiren zwe(re)n die te batte(re)n en(de) te wederleggen/ Te replice(re)n te duplice(re)n alsoe wale int p(ri)ncipael/ als int accessoir En(de) alle pointen (et)c(etera) En(de) voirtaen/ g(e)n(er)alijck en(de) sp(eci)alijck dair inne te bewa(r)en die naerecht der voirs(creven) stad bruesselle dair toe behoiren en(de)den voirs(creven) p(ro)cur(eur) orberlijck duncken zullen en(de) te/ vorde(re)n alle tghene dat de voirs(creven) constit(ueerder) met/ zijnd(er) docht(er) selve souden moeghen doen in dien/ zij ald(air) p(rese)nt en(de) voe(r) ooghen wa(r)en Geloven(de) de/ voirs(creven) constitueerder op tverbont van allen zijnen/ goeden jegenwoirdich en(de) toecomen(de) renu(n)cie(re)nde in/ desen alle p(ri)vil(egien) vast gestentich onv(er)brekelijck en(de)/ van weerden te houden allet ghene des bijden/ voirs(creven) p(ro)cur(eur) v(er)teghen ov(er)ghegoet gelooft en(de) gep(ro)cureert/ sal wordden behalven dat de voirs(creven) p(ro)cur(eur) van/ desen zijnen bewynde gehouden sal zijn t(er) manissen/ desselfs constitueerd(er)s goede wettighe rekeni(n)ghe bewijs/ et reliqua te doene Des torconde hebben wij den/ zeghel ten zaken der stad van loeven(e) voirs(creven) aen/ dese l(ette)ren doen hanghen novembr(is) vi