Want ten v(er)volghe jans cole geleydt zijnde uut machte/ van scepen(en) brieven van loeven(e) voe(r) zijn wettich gebreck/ van i(½) croene(n) lijftochten tot allen den goeden beide have/ en(de) erve henricx peten wair die belegen zijn gescr(even)/ is geweest aen den meye(re) van zichen(en) oft zijnen/ stadhoude(re) te nuwerode en(de) v(er)socht den selven janne/ cole geleydden te leve(re)n alle de voirs(creven) goede bij alsoe/ oft de voirs(creven) henrick peten oft yemant and(er)s dair/ jeghen yet hadden willen seggen oft de voirs(creven) scepen(en)/ brieven invalide(re)n dat zij op heden te loeven(e) comen/ wa(r)en rechts plegen als op v(er)streken(en) daghe Ald(air) de voirs(creven)/ henr(ick) peten niet comen en is noch ande(re) van zijnen wegen/ den voirg(enoemde) geleydden comp(ar)e(re)nde en(de) trecht voirts v(er)sueken(de)/ soe wijsden de he(re)n scepen(en) van loeven(e) t(er) manissen smeyers/ voe(r) een vo(n)nis yerst aengehoirt en(de) gevisiteert janne/ trescript jans trissenere lieuxten(ant) des meyers van zichen(en)/ tot nuwerode die c(er)tificeerde onder zijn hantgescrift dat/ hij dexecucie vand(en) v(er)sueckbrieven gedaen hadde ende/ p(ar)tien dach van rechte besceiden datmen den voirs(creven)/ geleydden vand(en) voirs(creven) goeden houden soude inde macht/ van zijnen beleyde alsoe v(er)re dat noch voe(r) scep(enen) comen/ is cor(am) o(mn)ibus scabinis dempto pynnock novembr(is) viii