It(em) de voirs(creven) p(ar)tien hebben samentlijck geclairt dat/ den voirs(creven) beempt v(er)cocht is voe(r) acht rijnssche gul(den)
//
Item meest(er) reynir van lyefkenrode nu t(er) tijt borg(er)meester/ des(er) stad van loeven(e) heeft gekynt en(de) gelijdt dat hij in/ zijnen handen heeft een acte vand(er) selv(er) stad van loeven(e)/ dair mede de selve stad gelooft heeft den selven meest(ere)/ reynie(r) van lyefkenrode he(re)n mychiele absoloens ridde(re) airde/ vand(en) hove janne wijlen de wairseghe(re) en(de) meer ande(re)/ inde selve acte genoempt costeloos en(de) scadeloos te/ houden en(de) v tontheffen van des inde voirs(creven) acte begrepen/ steet mits den welcken heeft de voirs(creven) meest(er) reynir/ gelooft en(de) toegeseet den voirg(enoemde) he(re)n mychiele absoloens/ airde vand(en) hove en(de) allen ande(re)n dien dat aengaen/ mach en(de) elcken van hen dat hij de voirs(creven) acte uut/ zijnder hant niet en sal laeten gaen noch nyeman(de)/ ov(er)geven sonder wille en(de) consent van eene(n)yegelijcken/ dien de selve acte aengaen mach mair de selve/ acte in zijnen handen behouden tot behoef van/ eenenyegelijcken dair inne gericht zijnde en(de) int(er)est/ hebbende cor(am) roosmeer burg(imagistr)[o] octobris xxix