It(em) alle ande(re) goeden die buyten deylinghen zijn/ blijven staen(de) dair inne m(ijn) he(re) de cancellir/ van brabant inde helicht gericht is en(de) oick/ alle ande(re) goeden en(de) chijsen den selve(n) gebruede(re)n/ toebehoiren(de) oick ongedeylt blijven(de) hebben de/ selve gebruede(re)n malcande(re)n gelooft die te gelijcke/ en(de) in gelijcken porcien te deylen(e) En(de) alle alsulke/ lijfrinten die de voirs(creven) h(er) yweyn wijlen van houthem/ sculdich bleven is die hebben de selve gebruede(re)n/ malcande(re)n gelooft jairl(ijcks) te gelijcken coste te betalene desgel(ijcks)/ oick alsulcke iii(½) sacken rocx erfpachts staen(de) op borghen/ te gelijcke te betalen(e) aen meest(ere) franke putcheys en(de)
//
als van dien drie mudden rocx erffpachts toebehoiren(de)/ willem(me) vand(en) hove briede(r) die de voirs(creven) joncker anthoenijs/ bevasticht heeft voe(r) meye(re) en(de) scepen(en) van loeven(e) op/ tvoirs(creven) hof gelegen te houthem metten toebehoirten en(de)/ op meer ande(re) panden Dair af de selve joncker/ anthoenijs gelooft heeft den selve(n) willem(me) vanden/ tot dien guedinghe en(de) vasticheit te doene voe(r) he(re)/ en(de) hof dair afmen de selve goede houden(de) is ter/ manissen desselfs willems vand(en) hove Heeft gelooft/ de voirs(creven) joncker jan van houthem den voirg(enoemde) joncker/ anthoenijs zijnen brueder van des voirs(creven) steet costel(oos)/ en(de) scadeloos te houden en(de) tontheffen tot ewighen dage(n)/ en(de) de selve guedinge t(er) manissen desselfs willems/ inden voirg(eruerde) hof te doene gelijck de voirs(creven) joncker/ anthoenijs die gelooft heeft te doene It(em) als vand(en)/ costen dien gedaen zijn voe(r) den officiael tot diest/ inden gedinghe tegen de clercken der capellen van ons(er)/ liev(er) vrouwen ten poele inde stad van thienen die hebben/ de selve gebruede(re)n van houthem malcande(re)n gelooft te/ gelijcke te draghen zoe verre zij dair inne met rechte/ gecondampneert wordden en(de) and(er)s niet en(de) die totten/ daghe van heden geschiet en(de) gedaen zijn en(de) niet voirde(r)/ Ende als vande(n) costen die inden selven gedinghe van/ nu voirtaen gebu(r)en en(de) gedaen zullen wordden dair af/ heeft gelooft de voirs(creven) joncker jan den voirg(enoemde) joncker/ anthoenijs zijne(n) brueder costeloos en(de) scadeloos te houden/ en(de) tontheffen en(de) oick van allen v(er)loopen(en) pachten en(de)/ van allen pachten die voirts v(er)schijnen zullen tewige(n) dagen/ dair uut tvoirs(creven) gedinghe spruyten(de) is Geloven(de) voirts/ de selve joncker jan tvoirs(creven) gedinghe met rechte totten ynde/ te v(er)volgen coram eisdem