Cont zij allen lieden dat jan parijs zone willems parijs/ woenen(de) te berthem in p(rese)ncien der scepen(en) van loeven(e) gestaen/ heeft genomen en(de) bekynt genomen te hebben tegen gerard(us)/ duys thof desselfs gerardi duys gelegen te berthem metten/ huysen hoven schu(r)en stallen wynnen(de) landen bogairden metten/ weyen en(de) allen den toebehoirten gelijck de selve goeden/ gelegen zijn te berthem Te houden te hebben te wynnen te/ werven en(de) te besitten van opten iersten dach der maent/ van meye lestleden eenen t(er)mijn van tweelf ja(r)en langk/ du(r)ende deen nae dande(r) sonder middel volgen(de) Elcx jairs/ da(r)enbynnen te weten(e) de wynnen(de) landen voe(r) en(de) o(m)me deen/ helicht van allen den vruchten jairlijcx dair op wassen(de) en(de)/ de weye vand(en) bogairden elcx jairs da(r)enbynnen voe(r) en(de) o(m)me/ twee en(de) eenen halven rijns gul(den) te twintich stuv(er)s tstuck/ alle ja(r)e tsinte m(er)tensmisse inden wynt(er) te betalen(e) den/ voirs(creven) gerardo duys jairlijcx den selven t(er)mijn du(r)ende quol(ibe)t/ ass(ecutu)m op de vorw(eer)den en(de) cond(ici)[en] h(ier) naevolgen(de) Inden/ iersten dat de voirs(creven) wynne jairl(ijcx) den selven t(er)mijn du(r)ende/ alle de vruchten ald(air) wassen(de) sond(er) cost desselfs gerardi duys/ afdoen sal en(de) inde banden leve(re)n mair alsmen de vruchten/ binden sal zoe sal de voirs(creven) gerardus de meest(er) eene(n) man/ setten die de banden slaen sal hulpen slaen en(de) alsdan/ zoe sal de voirs(creven) wynne zijns meest(er)s helicht tyerst/ vand(en) velde vu(r)en en(de) inder schu(r)en tassen sonder cost/ desselfs gerardi duys voe(r) en(de) eer de voirs(creven) wynne zijn/ helicht sal moeghen aenveerden oft innevu(r)en ten wa(r)e/ dat natte jairganghen wa(r)en en(de) in dien gevalle zoe/ sal de wynne ov(er) ander voeder zijn coren moege(n) innevu(r)en/ en(de) dat ierste voed(er) sal hij alsdan voe(r) zijnen meest(ere) inne/ vu(r)en It(em) want tvoirs(creven) hof met acht boende(re)n lants dair/ onder gelegen leengoet is vand(en) welcken de voirs(creven) gerardus/ duys de thiende dair op jairlijcx v(er)schijnen(de) buyten ende/ bynnen hoofs van greyne en(de) vleessche erflijck gecocht heeft/ Soe is cond(ici)[e] dat de voirs(creven) gerardus duys de meest(er) de/ voirg(eruerde) thienden van greyne en(de) vleessche voe(r) uut behoudt
//
en(de) die alleene tot zijnen p(ro)ffijte hebben en(de) trecken sal/ gelijck oft de voirs(creven) thienden yeman(de) and(er)s van buyten/ den hove toebehoirde sond(er) den wynne dair inne gericht/ te zijne It(em) de wynne sal hebben deen helicht van allen/ den oofte jairl(ijcx) inde bogairden wassen(de) des sal de wy(n)ne/ jairl(ijcx) tselve ooft doen lesen ten halven coste en(de) afdoen/ en(de) gerardus helicht sal de wynne jairl(ijcx) te loeven(e)/ leve(re)n sond(er) zijns meest(er)s cost It(em) wa(n)neer desselfs/ gerardus helicht van zijnen coren gedorsschen sal zijn/ dat de voirs(creven) wynne tselve coren jairl(ijcx) te loeven(e)/ bringhen sal sond(er) gerard(i) zijns meest(er)s cost En(de) dair/ voe(r) sal de wynne hebben alle tcaf en(de) stroo voe(r)/ zijn beesten om dat alsoe te etten en(de) den mont/ cost als hij tvoirs(creven) coren bringhen sal It(em) de voirs(creven)/ wynne sal jairl(ijcx) den voirs(creven) t(er)mijn uutdu(r)ende alle/ de landen vand(en) voirs(creven) hove wel en(de) loflijck wynnen/ werven mesten en(de) bezayen op hue(r) getijdige voren/ te weten(e) den wynt(er)airt op vie(r) voren ende den/ zom(er)airt op drie voren It(em) sal de voirs(creven) wynne ten/ afscheiden(e) vand(en) voirs(creven) t(er)mijne inden mey den wynt(er)/ airt met wynt(er)coren en(de) den zom(er)airt met zomer/ coren wel en(de) loflijck op hue(r) getijdige voren bezayedt/ laeten en(de) de brake laeten twee werven o(m)megedaen/ met twee bezunde(re) voren want de voirs(creven) wynne/ de voirs(creven) goede int ae(n)nemen alsoe bevonden ende/ aenveert heeft mair de wynne en sal tot zijnen/ afscheiden de messie niet dorven uutvu(r)en want/ hij die messie niet en bevant uutgevuert It(em) sal/ de wynne sal jairl(ijcx) den voirs(creven) t(er)mijn uutdu(r)ende/ de voirs(creven) goeden wel en(de) loflijck bevreden en(de) tot zijnen/ afscheiden wel en(de) loflijck bevreet laeten It(em) de selve/ wynne sal jairl(ijcx) den voirs(creven) t(er)mijn du(r)ende moegten/ vaghen en(de) ruymen alle weghen en(de) wat(er)leyden vand(en)/ voeren en(de) and(er)s in aen en(de) omtrint den voirs(creven)
//
hove liggen(de) sonder cost oft last des voirs(creven) gerardi/ duys zijns meest(er)s It(em) de voirs(creven) gerardus sal jairl(ijcx)/ zoe vele mest oft stroe moegen coopen om mest/ dair af te maken(e) alst hem believen sal dwelck/ de voirs(creven) wynne met zijnen waghen en(de) p(eer)den/ sal moeten halen t(er) plaetsen dair dat de voirs(creven)/ zijn meest(er) coopen sal en(de) dat mest vu(r)en op/ de voirs(creven) landen sonder cost oft last van zijnen/ meest(er) It(em) alle tstroo dat jairl(ijcx) vand(en) voirs(creven) goeden/ comen sal dat sal de voirs(creven) wynne met zijnen/ beesten slijten en(de) dair af mest maken en(de) tselve/ mest op de voirs(creven) landen vu(r)en sond(er) enich stroo/ oft mest uuten voirs(creven) hove te vu(r)en oft te/ doen vu(r)en It(em) en sal de voirs(creven) wynne gheen/ vand(en) voirs(creven) landen moeghen vu(r)en hoervruchten/ noch oick de selve landen nyeman(de) anders/ moegen uutgeven noch en sal de wynne/ zijns selfs lants noch gheen ande(re) landen moegen/ wynnen dan alleene de landen die hij vand(en) voirs(creven)/ gerard(i) zijnen meest(er) in pechtingen houden(de) is en(de) te/ wynnen heeft It(em) sal jan de wynne bynnen den iersten/ sesse ja(r)en sculdich zijn te halven coste de landen vand(en)/ voirs(creven) hove wel en(de) loflijck te ov(er)m(er)ghelen als hem de/ voirs(creven) gerardus zijn meest(er) dair toe v(er)sueken sal en(de)/ den m(er)ghel op de selve landen steken dair hem dat/ best duncken sal It(em) de wynne sal jairl(ijcx) leve(re)n twee/ hondert bussellen walms om die op de huysinghen/ te v(er)decken en(de) alsmen dair dect dair af sal/ gerardus de meest(er) de dachu(r)en betalen ende de/ wynne sal den werckluden den montcost geven/ dair mede zij te vreden zijn zullen oft elcken eene(n)/ stuv(er) voe(r) zijn montcosten It(em) de wynne sal jairl(ijcx) de/ huysen vand(en) voirs(creven) hove houden op zijnen cost vand(en)
//
van ouden wercke vander onderster rijckelen nederweerts/ en(de) alsmen dair van ouden wercke dect plect ty(m)mert/ metst bodem vaecht oft den osiendrup vand(en) huysen/ ruympt dan sal de wynne den werckluden den/ montcost geven als voe(r) en(de) gerardus de meest(er) sal/ de dachu(r)en betalen en(de) de wynne sal de stoffe/ dair toe halen te weten(e) leem steenen hout oft/ stroo dies men dair toe behoeven sal en(de) hem/ bynnen der p(ro)chien van berthem te halen bewijsen/ sal It(em) en sal jan de wynne gheen recht hebben/ inde wijtha(m)men oft voirganghen noch af te houwen/ enich hout dair op staen(de) noch oick gheenre hande/ hout op de vorlen en(de) grachten vand(en) bloken staen(de)/ dan alleene in duernen en(de) haghen It(em) de wynne/ en sal gheen recht noch sacht hebben inde cleyn/ woenhuysen noch int duyfhuys noch inden coolhof/ staen(de) acht(er) de groote schue(r) noch oick int cleyn/ cam(er)ken boven den kelde(r) int groot woenhuys/ noch oick inde savoe(re)n noch grachten vand(en) voirs(creven) hove/ den voirs(creven) gerard(o) duys toebehoe(re)nde It(em) jan de wynne/ sal jairlijcx sculdich zijn te doene zijnen voirs(creven) meest(er)/ vier dagen crauweyen met zijnen wagen(en) ende/ p(eer)den It(em) en sal de wynne sond(er) consent va(n) zijnen/ zijnen meest(er) niet moegen varen met zijne(n) wagen/ en(de) p(eer)den om hout oft enige ande(re) private p(ro)ffijten/ buyten den voirs(creven) hove te doene It(em) sal jan de/ wynne tot zijnen coste alle ja(r)e de bogairden en(de)/ beempden uutroden van bremen haghen en(de) duernen/ en(de) de ooftboemen aen de worttelen voe(r) den wynt(er)/ te ontdeckene en(de) nae den wynt(er) wedero(m)me te/ deckene En(de) oft de wynne dat alsoe niet en/ dade dat dan de voirs(creven) gerardus de meest(er) dat/ sal moeghen doen doen ten coste vand(en) wynne/ It(em) sal de wynne hebben alle ja(r)e tot zijnen p(ro)ffijte/ een dachmael lants inden som(er)airt niet vand(en)/ besten noch vand(en) archsten oft maetsen It(em) oft de
//
voirs(creven) wynne dese voirs(creven) vorw(er)den in allen ar(ticu)[len] ende/ pointen voirs(creven) niet en onderhielde mair dair inne/ gebreckelijck viele dat in dien gevalle oft bij/ gebreke van enigen pointen voirs(creven) de selve gerard(us)/ duys de meest(er) tallen tijden sal moeghen zijn/ handen slaen aen de voirs(creven) goeden en(de) de naiste/ dair af zijn om die voirts eenen ande(re)n te/ verpachten zoe v(er)re hem dat gelieven sal sond(er)/ yemants wederseggen It(em) want gerardus de/ meest(er) den voirs(creven) zijnen wynne geleent heeft/ om wagen p(eer)den en(de) and(er)s dair mede te coopen/ de so(m)me van derthien en(de) eenen halven rijns/ gul(den) soe heeft de voirs(creven) jan de wynne gelooft/ den voirg(enoemde) gerardo duys zijnen meest(er) de voirs(creven) xiii(½)/ rijns gul(den) wedero(m)me te geven(e) en(de) te betalen(e) te/ weten(e) deen derdendeel dair af bynnen den iersten/ twee jaren tderdendeel dair af bynnen eenen/ ja(r)e dair naevolgen(de) en(de) dleste derdendeel dair af/ bynnen eenen ja(r)e dair naest v(er)volgen(de) quol(ibe)t ass(ecutu)[m]/ It(em) de voirs(creven) gerardus duys en(de) de wynne zullen/ van malcande(re)n moegen scheyden ten ierste sesse/ ja(r)en en(de) zoe wie alsoe sal willen sceiden die sal/ dat den ande(re)n moeten cundighen een half jair/ te voren En(de) alle dese vorw(er)den cond(ici)[en] en(de) geluften/ voirs(creven) hebben gelooft (et)c(etera) In for(ma) cor(am) buetsselle boechout octobr(is) xx