It(em) de voirs(creven) schuld(er)s hebben ghecleert dat zij de voirs(creven)/ financie ghedaen hebben ind(en) name van hen selven/ en(de) van weghen vand(en) ghemeyne(n) dorpe va(n) ottenborch/ mits den welken de voirs(creven) schuld(er)s malcande(re)n gelooft/ hebben soe v(er)re e(n)nich van hen meer oft voirde(r) gheprae(m)t/ wordde het wa(r)e ind(en) jairlijker betalinghe(n) oft bewijse/ nisse der selv(er) dat sij alle die schaden en(de) laste(n) te/ ghelijke ghelde(n) en(de) dinghe(n) sullen ghelijck alle de/ ingheseten(en) van ottenborch dat ghemeynlijck/ ov(er)draghen gheconsenteert en(de) deen den ande(re)n gelooft/ hebben voir meye(re) en(de) scep(enen) van ottenborch ghelijck/ de voirs(creven) schuld(ers) dat gherelateert hebben cor(am) eisd(em)