SAL8161, Akte: V°3.2-R°4.1 (5 van 508)
Akte V°3.2-R°4.1
Act
Datum: 1499-06-26
Transcriptie
2021-07-08 door Jozef D'HooreWant ten v(er)volghe henricx van holsbeke geleydt zijnde/
uut machte van scepen(en) brieven van loeven(e) voe(r) zijn/
wettich gebreck van c croenen te xxv stuv(er)s tstuck eens/
onder ande(re)n tot allen den goeden beide have en(de) erve/
jans wijlen de groote wair die beleghen zijn gescr(even) is/
geweest aen den meye(r) van cu(m)ptich oft zijnen stadhoude(r)/
te willebringhen en(de) v(er)socht den selven geleydden te/
leve(re)n alle de voirs(creven) goeden en(de) rechten en(de) te bedwingen/
den erfgenamen desselfs wijlen jans de groote otte van/
meenssele die uut zijn(en) goeden enige erfrinten den voirg(enoemde)/
wijlen janne sculdich is en(de) symoene tector(is) als p(ro)cur(eur)/
en(de) rintmeest(er) vanden grooten gasthuyse te loeven(e) met ja(n)ne/
beerains vorste(r) hadde doen dach besceiden op heden als/
op v(er)streken(en) daghe van genechten Ald(aer) de voirs(creven) weder/
p(ar)tien niet comen en zijn noch ande(r) van hue(re)n wegen/
den voirs(chreven) geleydden altijt comp(ar)e(re)nde en(de) trecht voirts v(er)sueken(de)/
/
soe wijsden de he(re)n scepen(en) van loeven(e) t(er) manissen smeyers/
voe(r) een vo(n)nis ierst gevisiteert trescript goerijs vander/
mazen stadhouder des meyers van cu(m)ptich die c(er)tificeerde/
onder zijn hanteeken dat hij de leveringhe vand(en) voirs(creven)/
v(er)sueckbrieve gedaen hadde en(de) p(ar)tien dach van recht/
besceiden en(de) aengehoirt den voirs(creven) janne beerains vorste(r)/
die clairde bij zijnen eede dat hij den voirg(enoemde) p(ro)cur(eur)/
en(de) rintmeeste(r) dach van rechte besceiden hadde bij alsoe/
de wederp(ar)tien vand(en) geleydden niet en quamen ten/
opstaene van meye(r) en(de) scepen(en) datmen den voirs(creven)
geleydden vand(en) voirs(creven) goeden houden soude inde macht/
van zijnen beleyde en(de) leveringhen alsoe v(er)re dat noch/
voir scepen(en) comen is coram eisd(em)
Nagekeken door: kristiaan magnus
Moderator: kristiaan magnus
Laatste update:: 2020-04-06 door kristiaan magnus