Allen dat de voers(creven) hee(re) lodewijck scrybaens heeft sonder e(n)nich/ wederroepen geconstitueert gestelt en(de) geordineert joesen van/ roesenbeke nu tertijt wissele(re) der stadt van loeven(e) te mane(n)/ teysschen opte bue(re)n ende tontfanghen(e) alsulken sesse rynssche/ gulden(en) lijftochten tsjaers als de voers(creven) hee(re) lodewijck tot sijne(n)/ live jaerlijcx opde voers(creven) stadt van loeven(e) ende hue(re)n ingeseten(en)/ heffen(de) is met zeke(re)n brieve(n) van loeven(e) daerop gemaect vander/ daet xiiii[c] lxxix prima marcii deen helicht daeraff opden yersten/ dach septembris ende dander helicht opden yersten dach van meert/ te betalen(e) de selve rinten met rechte te v(er)volghen(e) quijtan(cie)/ te gheven(e) compositie (et)c(etera) promitt(ens) rat(um) renu(n)cians reserveren(de)/ nochtans de selve h(er) loyck sijn actie inde acht(er)stellighe pachten/ totten daghe toe van heden gevallen en(de) v(er)schenen cor(am) eisd(em)