Cont zij allen lieden dat gheert de cock soene wijlen thomaes/ en(de) weyn stevens soene claes stevens in p(rese)ntia hebben genomen/ en(de) bekynne(n) genome(n) te hebben(e) van brueder ja(n)ne collaerts/ als p(ro)cur(eur) en(de) voergange(r) des godshuys van tshertoghendale de grain/de thiende desselfs godshuys gelegen ter lanen Te houden(e)/ te hebben(e) ende te gebruycken(e) van halff meye lestleden/ eene(n) t(er)mijn van zesse ja(r)en lanck due(re)nde deen nae dande(r)/ sonder middel volghen(de) Elcx jaers dae(re)nbynne(n) voe(r) en(de) o(m)me/ drieen(de)twintich en(de) een halff mudden rocxs twintich ende/ een halff mudde even(en) ende drie mudde ghersten Elcx grains/ goets en(de) payabels met wa(n)ne en(de) vede(re)n wel bereyt/ der maten van ov(er)ijssche alle ja(r)e tsint andriesmisse ap(oste)ls/ vallen(de) ende ombegrepen tonser liever vrouwen lichtmisse/ daer nae volghen(de) volbetaelt te sijne ende int voers(creven) godshuys/ van tshertoghendale te leve(re)n jaerlijcx den voers(creven) t(er)mijn lanck/ due(re)nde quol(ibe)t ass(ecutu)m Item is condicie oft e(n)nighe tempeesten/ gebuerden aende voers(creven) thienden bynne(n) den voers(creven) t(er)mijne(n) het/ wa(r)e van donde(r) blixem haghelslaghe oft dier gelijcke datmen/ dat den pechtene(re)n cortten sal aen hen pechtinghe gelijck ande(re)/ van gelijcken boven en(de) beneden Ende hieraff hebben gelooft/ de voers(creven) gheert en(de) yweyn vander eender helicht malcande(re)n/ gelooft te ontheffen(e) Ende alle dese vurw(er)den (et)c(etera) cor(am) h(er)meys/ boechout julii vi