Cont zij allen lieden dat jan potent becke(r) in p(rese)ntia heeft genomen/ en(de) bekint genomen te hebben(e) van adriane van assche den molen/ geheeten den graetmoelen metten molenhuyse stalle daer aen gelegen/ metten boegaerde en(de) landen gelegen aenden lye(re)nborre gelijckerwijs/ en(de) in allen der manie(re)n dat dat joes peysman gehoud(en) heeft te/ houden(e) te hebben(e) en(de) te gebruycken(e) van sint jansmisse lestleden/ eenen t(er)mijn van twee ja(r)en deen nae dande(r) sonder middel/ volghen(de) Elcx jaers dae(re)nbynne(n) te weten(e) dat yerste jaer voe(r) en(de)/ o(m)me tweeen(de)veertich en(de) eene(n) halve(n) mudden corens en(de) dander jaer(e)/ voe(r) en(de) o(m)me viven(de)veertich mudden corens goets en(de) payabels der/ maten van loeven(e) twe Te weten(e) die twee deelen daeraff en(de)/dander rogghe ende dander derdendeel daeraff terwe op twee/ pe(n)ni(n)gen nae den besten Ende op elck mudde corens het zij/ rogghe oft terwe een pont hierlans was oft thien plecken/ voe(r) elck pont gerekent alle ja(r)e te weten(e) tvie(re)ndeel daeraff/ te bamisse tvierdel daeraff te kersmisse tvie(re)ndeel daeraff/ te halffmeerte en(de) dander vie(re)ndeel tsint jansmisse daer nae volghen(de)/ te betalen(e) en(de) telcken bynne(n) loeven(e) te leve(re)n ter plaetssen daer/ dat den voirs(creven) adriane gelieve(n) sal en(de) telcken t(er)mijne als v(er)reycte/ schult opde conditien hier nae volghen(de) Inden yersten dat de/ voers(creven) jan potent jaerlijcx sonder affslach vander selver pechtinghen/ aenden heylighengheest van sinte qui(n)tens betalen sal vie(r) rijders/ Item aen cloest(er) van p(er)cke xvii pl(a)c(ken) viii[t(orre)] It(em) is noch conditie/ dat de voers(creven) jan sal moeghen truncken bynne(n) den voers(creven) t(er)mijne/ allen die willighen inden voers(creven) boegaerden en(de) opden da(m)me/ staen(de) bove(n) den drie ja(r)en out sijnde ende dies sal de voers(creven)/ jan moeten houden die voers(creven) grechten en(de) waterleyden op/ sijne(n) cost Item is noch conditie dat de voers(creven) jan den voers(creven)/ moelen(e) houden sal op sijne(n) last van allen gaenden en(de) rue(re)nden/ wercke gelijck hem dat bijden geswoiren(en) molensleghe(re)n ende/ smeeden geschat is Ende oft de voers(creven) jan dat voers(creven) gaen(de)/ en(de) rue(re)nde werck tsijne(n) afsceyden(e) beter laet oft argher dan dat/ nu gescat is dat sullen de voers(creven) adriaen en(de) jan malcande(re)n/ oprichten ten meesters prijse hen des v(er)staen(de) Item is noch/ vurw(er)de dat de voers(creven) jan van elken duyme steens min bevo(n)den/ sijnde ten afsceyden(e) vand(en) voers(creven) t(er)mijne betalen sal drie r(ins)guld(en)/ te xx stuv(er)s tstuck Ende des sal de voers(creven) adriae(n) moeghen v(er)styne(n)?
//
affdoen(de) die oude en(de) die nyeuwe opdoen(de) tallen tijde alst hem/ gelieve(n) sal Item oft gebuerde dat de voers(creven) moelen stille staen/ moste bij gebreke van e(n)nighen wercke daer de voers(creven) adriae(n)/ in gehoud(en) wa(r)e meer dan drie daghen dat sal de voers(creven)/ adriae(n) den voers(creven) janne cortten nae gelande vand(en) tijde/ dat dien stille staen sal (et)c(etera) ende alle dese vurw(er)den (con)ditie(n)/ en(de) geluften (et)c(etera) cor(am) boechout baets ja(nua)[rii] xxvi