SAL8162, Akte: R°281.1 (397 van 481)
Akte R°281.1
Act
Datum: 1501-04-22
Transcriptie
2023-01-19 door Jos JonckheerWant ten v(er)volge hee(re)n gielijs van mechelen prieste(r) religiaix des/
godshuys vanden augustijne(n) te loeven(e) geleydt zijnde nae die/
hooghe h(eer)lijcheyt ons genad(ichs) hee(re)n uuyt machte van scepen(en) brieve(n)/
van loeven(e) voe(r) zijn wettich gebreck van een mudde rocxs goets/
en(de) payabels met wa(n)ne en(de) vede(re)n wel bereyt der maten van loeven(e)/
tot allen den goeden beyde have en(de) erve jans wijlen vanden/
putte waer die belegen zijn gescreve(n) is geweest aen allen officie(re)n/
en(de) v(er)socht den voers(creven) hee(re)n gielijsse te leve(re)n alle die voers(creven) goede/
en(de) te bedwingen(e) der weduwen metten erffgename(n) des voers(creven) wijlen/
jans vand(en) putte philipse van huldenberghe en(de) alle ande(re) hande/
daer aen slaen(de) die te lichten en(de) aff te doen(e) bij alsoe oft de/
voers(creven) weduwe met hue(re)n erffgenamen de voers(creven) philips oft/
yemant anders daer teghen yet hadden willen seggen oft allige(re)n/
oft die voers(creven) scepen(en) brieve(n) invalide(re)n dat zij des tot eene(n) zeke(re)n/
daghe daer toe gestelt op heden midts uutstelle van genechte/
dyenen(de) comen wa(r)en rechts pleghen Aldaer de voers(creven) weduwe/
de voers(creven) philips noch nyemant van hue(re)n weghen comen en is/
den voers(creven) geleydden altijt compare(re)nde en(de) trecht voerts v(er)sueken(de)/
soe wijsden die hee(re)n scepen(en) van loeven(e) ter manissen smeyers voe(r)/
een vo(n)nis yerst aengehoirt janne smeets geswo(r)en bode die claerde/
bij zijne(n) eede dat die dyene(r) des meyers van herent tot nederijssche/
dexecutie van desen gedaen heeft en(de) oick de meye(r) van corby en(de)/
loonbeke die executie gedaen heeft en(de) p(ar)tijen dach besceyden soe/
nae inhouden der v(er)sueckbrieve(n) datmen den voers(creven) geleydden houden/
soude inde macht van sijne(n) beleyde soe v(er)re alst noch voe(r)/
scepen(en) comen is cor(am) h(er)meys hoeven buetselle boechout ap(ri)lis xxii[a]
Nagekeken door: Walter Winnelinckx
Moderator: Walter Winnelinckx
Laatste update:: 2019-05-08 door kristiaan magnus