Allen [en(de) bezund(er) den eerba(r)en wijsen en(de) voirsienige(n) borg(er)/ meeste(re)n scep(enen) en(de) rait der goeder stad van coelen onsen/ zunderlingen gemi(n)den vrienden (et)c(etera) dat] dat (et)c(etera) lyenack pelsers geheete(n) ruyter henrick/ coepma(n) va(n) soffraen borgher va(n) kempen dat opte(n) dach/ van heden datu(m) va(n) desen voe(r) ons come(n) is in p(ro)pere(n)/ p(er)soene peet(er) luycx va(n) brugghe nu t(er) tijt woenen(de) in/ dese stadt van loeven(e) ende heeft aldair ope(n)bairlijck/ ghecleert bij zijne(n) eede die hij dair toe lijflijck ten/ heylighe(n) gedae(n) heeft bij stani(n)ghen symoen bellens/ vorst(er)s onss gened(ichs)[te(n)] hee(re)n eersh(er)toghe(n) ph(ilip)s in des(er) zij(n)re/ genaden stadt va(n) loeven(e) nae dien de voirs(creven) peeter/ luycx inde naemssche fore nu lestleden ghesaecht/ en(de) gecundicht hadde janne va(n) tilborch cremere/ en(de) lijsbetten sijnre huysvrouwe(n) hoe in p(rese)ncie(n) desselfs/ peet(er) luycx een creme(re) met eene(n) roeden la(m)me(re)n borsclap/ inde stadt van antwerpe(n) gevonden hadde een borsse/ met ghelde en(de) met eene(n) gulden(en) signet dat de/ voirs(creven) henrick pelsers geheete(n) ruyter henrick die/ oick draeght eene(n) roeden la(m)meren borsclap die p(er)soe(n)/ niet en is die de voirs(creven) borse mette(n) ghelde ende/ gulden signet gevonden heeft mair dat de p(er)soen/ die de voirs(creven) borse opraepte en(de) bevant wel thien/ jai(r)en oude(r) was in aensiene dan de voirs(creven) henrick/ pelsers Nae desselfs peet(er)s luycx beste kynlijcheyt/ en(de) op sijn beste duncken en(de) oick opte(n) voirs(creven) sijnen/ eedt certifice(re)n voerts dat de voirs(creven) peet(er) luycx/ gheclaert heeft op den voirs(creven) sijne(n) eet dat hij den/ creme(re) die de voirg(eruerde) borse metten ghelde ende/ gulden signet heeft gevonden bynne(n) drie maend(en)/ lestleden luttel myn oft meer bevonden heeft inde/ voirs(creven) stadt van antw(er)pe(n) in ons(er) liev(er) vrouwe(n) kercke/ aldair en(de) vraechde hem nae de voirs(creven) borse metten
//
ghelde ende gulden signet ende dat de selve creme(re)/ dair op antwordde ic hebbe de selve borse metten/ ghelde enden gulden signet ov(er)gegeve(n) den/ ghene(n) dien die toebehoirde en(de) dat hij voe(r) zij(n) drinck/ ghelt niet meer en hadde dan eene(n) halve(n) gouden(en)/ gulden(en) Te dyen eynde dat ghij u eerbe(re) wijse en(de)/ voirsienige hee(re)n borg(er)meest(er)s scepen(en) en(de) raidt der/ stadt van coelen ende eenyegelijck anders dien/ hier aff yet voe(r)come(n) sal te voerde(r) hen nae desen/ in rechte reden(en) en(de) bescheyde moeghe(n) wete(n) te/ vueghen(e) en(de) den voirs(creven) henrick pelsers in desen/ gehulpich te wesen tot zijnre ontschout cor(am) ijssche/ burg(imagistr)[o] buetsselle boechout scab(inis) aprilis xxvi