Want ten v(er)volghe adriaens van assche geleydt zijnde/ uut machte van scepen(en) brieven van loeven(e) voe(r) zijn/ wettich gebreck van xxiiii rijns gul(den) te xx stuv(er)s tstuck/ eens tot allen den goeden beide have en(de) erve zeghers/ wijlen spapen wair die belegen zijn gescr(even) is geweest/ aen den meye(re) van esemale oft zijnen stadhoude(re) en(de)/ versocht den bring(er) van onsen brieven des(er) stad gezwore(n)/ bode te leve(re)n alle de voirs(creven) goede bij en(de) te bedwingen(e)/ behoirlijck de weduwe en(de) erfgenamen desselfs wijlen/ zeghers en(de) alle ande(re) handen dair aen slaen(de) die te
//
lichten en(de) af te doene bij alsoe oft de voirscr(even)/ wederp(ar)tien oft yemant and(er)s dair jegen yet hadden/ willen seggen oft de voirs(creven) scepen(en) brieven invalide(re)n/ dat zij des teenen zeke(re)n dage ov(er)leden dair toe/ gestelt op heden dienen(de) mits uutstelle van genechte(n)/ te loeven(e) comen wa(r)en rechts te plegen Aldair de/ voirs(creven) wederp(ar)tien niet comen en zijn noch ande(re)/ van hue(re)n wegen den p(ro)cur(eur) desselfs geleydden (com)p(ar)e(re)nde/ en(de) trecht voirts v(er)sueken(de) soe wijsden de he(re)n scep(enen)/ van loeven(e) t(er) manissen smeyers voe(r) een vo(n)nisse/ ierst aengehoirt janne van hove des(er) stad gezworen/ bode die clairde bij zijnen eede dat de voirs(creven) meye(r)/ van ezemale dexecucie vand(en) voirs(creven) v(er)sueckbr(ieve) gedaen/ hadde en(de) p(ar)tien dach van rechte besceiden bij alsoe/ de wederp(ar)tien vand(en) geleydden niet en quame(n) ten/ opstaene van meye(re) en(de) scepen(en) datmen den/ voirs(creven) geleydden vand(en) voirs(creven) goeden houden soude/ inde macht van zijnen beleyde zoe v(er)re dat noch/ voe(r) scepen(en) comen is cor(am) eisd(em)