Want ten v(er)sueke machtilt fuyndriesch geleydt zijnde/ uut machte van scepen(en) brieven van loeven(e) voe(r) hue(r)/ wettich gebreck van vie(r) rijns gul(den) in goude lijftochten/ van xi ja(r)en verloopen onder den ande(re)n tot allen den/ goeden beide have en(de) erve jacques wijlen maricke/ andries wijlen maricke en(de) jacques maricke alle beide/ gebruede(re)n kynde(re)n des voirs(creven) jacques maricke/ wair die belegen zijn gescr(even) is geweest aen den meye(re)/ van foul oft zijnen stadhoude(re) en(de) versocht den bring(er)/ vand(en) selven brieven des(er) stad bode te leve(re)n alle/ de voirs(creven) goede en(de) te bedwingen(e) behoirlijck de/ kynde(re)n des voirs(creven) wijlen andries met hue(re)n momboirs/ jacques maricq(ue) arnoul boseal wynne van enighen der/ voirs(creven) goeden en(de) alle ande(re) handen dair aen slaende/ die te lichten en(de) af te doene bij alsoe oft de voirs(creven)/ wederp(ar)tien oft yemant and(er)s dair tegen yet hadden/ willen seggen oft de voirs(creven) scepen(en) brieven invalide(re)n/ dat zij des teenen zeke(re)n dage ov(er)leden op heden/ dienen(de) mits uutstelle van genechten te loeven(e)/ comen wa(r)e rechts plegen Aldair de voirs(creven) wederp(ar)tien
//
niet comen en zijn noch ande(re) van hue(re)n wegen de/ voirs(creven) geleydde comp(ar)e(re)nde en(de) trecht voirts v(er)sueken(de) soe/ wijsden de he(re)n scepen(en) van loeven(e) t(er) manissen smeyers/ voe(r) een vo(n)nis tyerst aengehoirt boudewijn bellens des(er)/ stad gezwoiren bode die clairde bij zijnen eede dat de/ voirs(creven) meye(r) van foul dexecucie vand(en) v(er)sueckbrieve/ gedaen hadde en(de) p(ar)tien dach van rechte besceiden bij/ alsoe de wederp(ar)tien vand(en) geleydden niet en comen/ ten opstaene van meye(re) en(de) scepen(en) datmen den/ voirs(creven) geleydde vand(en) voirs(creven) goeden houden soude/ inde macht van hue(re)n beleyde zoe v(er)re dat noch/ voe(r) scepen(en) comen is cor(am) eisd(em)