Allen den ghenen (et)c(etera) dat henrick vand(en) elsloeken(e)/ wonende te h(er)sselle heeft gheconstitueert sijn p(ro)cur(eur)s/ en(de) voirgang(er)s te weten(e) jacoppe witteman willem(me)/ van leefdale henricke van raveschote rob(er)te loenijs/ aut in allen sijne(n) zaken gheschillen ende bederven/ die hij nu uutstaen(de) heeft oft naemaels hebben sall/ moghen in aenlegg(er)s oft verw(er)d(er)s stad hoedanich die/ sijn Gheven(de) en(de) verleenen(de) de voirs(creven) constitueerd(er) den/ voirs(creven) sijne(n) p(ro)cur(eur)s ende elken besund(er)t thoenre des(er)/ volcomen macht p(ro)curacio en(de) auctoriteyt de selve sake(n)/ met rechte te vervolghen(e) te v(er)antw(er)den(e) te beschudden(e)/ en(de) te bedinghen(e) tallen plaetssen voir alle gherichten/ gheestelijck en(de) weerlijck en(de) teghen eene(n)yeghelijken/ dair des behoeven en(de) te doen(e) sal wesen in forma/ P(ro)mitt(ens) rat(um) Cum (com)putac(i)o(n)e et revocac(i)o(n)e cor(am)/ ijssche burgimag(ist)ro tymple buesselle scabinis/ augusti xxvii