Nae dien op heden bijden raide des(er) stad comen es/ henrick de smet plecke(r) opdoen(de) en(de) te kynne(n) gheven(de)/ hoe hij hadde een stuck lants ligghen(de) aen theydeken/ op de looe bynnen der vrijheyt van des(er) stadt en(de) dat/[vacat]/[vacat]/ hem tselve sijn lant opgheslaghen hadden en(de) daer ov(er)/ gheva(r)en sonder zijn consent oft wille sustine(re)nde/ dat zij hem schuldich souden sijn de selve sijn/ scade op te richten ende te betalen(e) en(de) hem te
//
verdraghen(e) van meer ov(er) sijn lant te varen(e) Daer op/ de voirs(creven) p(er)soen(en) antwoerden segghen(de) dat zij aen tghene/ des zij ghedaen hadden en(de) over dlant des voirs(creven)/ henricx ghevaren niet mesdaen en hadden want/ den wech vo(r)e zijn lant soe quaet was dat men/ aldaer met gheenen p(er)den noch waghen(en) doe(r) gelijden/ en conste maer bleven alle de p(er)den metten waghenen/ daer inne steken(e) waer o(m)me sij tvoirs(creven) lant opslaen/moesten mochten en(de) daer doe(r) varen sonder mesdoen/ totter tijt den quaden wech voe(r) elcx erve ghemaect/ wa(r)e Daer op de voirs(creven) henrick repliceerde dat/ hij den wech bynnen der vryheyt ligghen(de) op de rechte/ h(er)strate niet schuldich en was te maken(e) hem des/ ghedragen(de) tott(er) ordinan(cien) van dien staen(de) int boeck mett(er) A/ de voirs(creven) p(er)soen(en) daer op replice(re)nde seyden dat zij/ tallen plaetsen waer dat wa(r)e den wech soe quaet/ vinden(de) datmen ald(aer) met gheene(n) waghenen noch p(er)den/ doe(r) en mochte de velden opslaen mochten en(de) ter/ mynster quets sond(er) mesdoen daer doe(r) varen hen des/ ghedraghen(de) totten rechte Ende soe werdde bijd(en) raide/ uutghesproken en(de) ghetermineert eerst ghesien dordinan(cien)/ vand(en) weghen staen(de) int boeck mett(er) A dat henrick/ de smet voirs(creven) met zijnen eyssche opte voirs(creven) p(er)soen(en)/ verdoelt was en(de) de selve schuldich was costeloes/ en(de) schadeloes den selven p(er)soen(en) tontslane Behalve(n)/ den selven henricken sijn verhael aenden ghenen die/ den wech voirs(creven) schuldich wa(r)en te maken(e) Act(um) cor(am) absoloens/ subst(ituto) ijssche burg(imagistr)[is] buetsele boechout scab(inis) ac aliis de/ consilio februarii xiii