Nae dien henr(ick) vasont betoghen hadde enighe/ gebue(re)n vanden borrenputte staen(de) aen thuys m(ijns)/ vrouwen van ranshem voe(r) den raide des(er) stad van/ loeven(e) opdoen(de) en(de) te kynnen geven(de) hoe hij dbewynt/ vand(en) selven borrenputte gehadt hadde t(er) ordinan(cien)/ vand(er) selv(er) stad en(de) dat ten v(er)sueke pet(er)s van/ dormale en(de) dair inne v(er)leecht xvii rijns gul(den) en(de)/ alsoe vele myn als lijft(ochten) die hij dair op gehaven
//
hadde van goerijs vrancx wegen v(er)sueken(de) tsurplus hem/ opgeleecht te hebben(e) en(de) te h(er)rekenen wantmen ten slote/ van rekeni(n)gen bevynden sal dat zij noch meer in hem/ gehouden zijn Dair op de gebue(re)n antwordden en(de) seyde(n)/ dat zij ten bijzijne van goeden ma(n)nen tot huyshee(re)n/ rekeni(n)ghe deen den ande(re)n gedaen hadden en(de) dat/ in dier rekeni(n)gen henr(icx) bewesen wa(r)en zijn pe(n)ni(n)gen/ en(de) dair mede te vreden was die dair te heffen(e)/ p(rese)nte(re)nde hem dat te gheven(e) oft te nemen(e) en(de)/ zoe wordde uutgesproken en(de) get(er)mineert dat de/ selve henr(ick) sculdich soude zijn den eet aen te/ nemen oft hen dien te laeten doen Behalven/ oft de selve henr(ick) enich articule hadde dair inne/ hij mesrekent wa(r)e oft oick yet verleet hadde zedert/ den daghe van rekeni(n)ghen dat d hij dat in gescrifte/ ov(er)geven soude om dat gesien en(de) p(ar)tien voirts/ dair op gehoirt dair inne gedaen te wordden zoe/ beho(r)en sal Act(um) cor(am) a(m)bobus burg(imagistr)[is] et aliis de/(con)silio marcii x