Item want stoet en(de) tebat opverstae(n) es tusschen he(re)n henricke van diest [he(re) vand(er) rivie(re)n] in deen/ sijde en(de) jonche(re)n janne van witham he(re) van boutershem die gegoet es met/ scepen(en) brieve van loeven(en) tot allen den omberuerliken goeden h(ere)n henrix/ wilen vand(er) leck ridd(er)s in dande(re) alse van seke(re)n vliegende erve dat bleef/ na de doot vrouwe aliten vrouwe vand(er) rivie(re)n des voirs(creven) he(re)n henrix moye/ Soe hebben hen beide de voirs(creven) p(ar)tien van alsulken stoete en(de) tebat gekeert/ en(de) gesubmitteert te weten de voirs(creven) h(ere)n henrix van diest he(re) lodewijcke/ roelants bourgermeester te loeven(en) en(de) jacobbe uuten lyemynge(n) scep(enen)/ van loeven(en) en(de) de voirs(creven) jonch(er) jan van witham in h(ere)n emonde van/ emichoven meester van santrain en(de) lodewijcke de rijcke rentmeester/ te loeven(en) in alsulker vuegen dat beyde de voirs(creven) p(ar)tie hoe(re)n eysch en(de)/ verantwerden den voirs(creven) segge(re)n in gescrifte overgheve(n) selen bynnen viii/ dagen neestcomen(de) en(de) dat dan de selve vier segge(re)n op dat sijs eendrachtich/ en(de) van accorde geworde comen hoe(re) seggen selen uutspreken bynnen xiiii/ dagen na sinte peters en(de) sinte pauwels dach naestcomen(de) Wairt oic alsoe/ dat ennich vand(er) voirs(creven) p(ar)tie segger gebrake dat hij in die stat enen geliken/ segger nemen mach die de selve macht hebben sal die de segge(re) hadde/ die alsoe gebrect en(de) hebben beyde de voirs(creven) p(ar)tien geloeft vast en(de) gestedich/ te houden wes de voirs(creven) p(ar)tien segge(re)n eendrachtichlijc vanden voirs(creven)/ stote seggen en(de) t(er)mineren selen willemair wante junii septima/