Vander questien hangende voir meye(r) en(de) scepen(en) van loven(en)/ dair af den dach op heden dient tusschen den edelen/ he(re)n henricke van wittham hee(r) te bout(er)shem (et)c(etera) in/ deen zijde en(de) meester janne trabbuckier als geleit/ voir sijn wettich gebrec tot den goeden anthonis madea/ alse van seke(re)n juweelen zijnde in een coffer dat eene(n)/ tijt van jae(re)n leden zijnde gesedt heeft geweest bijden/ selven anthonisen ten huyse bertelmeeus wilen madee/ opde vischmerct en(de) des dair aen cleeft hebben/ hen jannes robbijns als procur(eur) volcomentlic gemechticht/ bijden vors(creven) he(re)n henricke en(de) meest(er) jan vorscreven/ gesubmitteert en(de) verbonden in vriendelike effeners/ en(de) arbiters Te weten(e) in meester pete(re)n van tielt/ secretaris ons gened(ichs) he(re)n ts(er)togen et arnold(us) kyp/ secretaris d(er) stat va(n) lov(en) met condicien dat elc d(er)/ vors(creven) p(ar)tien den segge(re)n vors(creven) informacie doen sal/ tusschen dit en(de) viii daghe na xiii dach naestcomen(de)/ en(de) die gehadt sullen zij hue(r) uutsprake doen bynne(n)/ xiiii nachten d(air) na Promitt(ens) rat(um) q(uo)lib(et) sub pena/ centu(m) leonu(m) applican(do) terciatim d(omi)no duci braban(tie)/ terciatim univ(er)sit(atis) studii lov(aniensis) et terciatum opido lov(aniensi) cor(am)/ oud(erogghe) maes decembris xvii